رد: ماروتي أو ألتو جديدة و لا أحسن حاجة مستعملة في حدود نفس السعر
مبروك يا استاذ احمد و قبال ما تشوف حبيبه عروسه
عاده اي حد بيسألني رأيي ويكون لسه متعلم سواقه جديد ... اول كلمه بقولها ... هات مستعمل لمده سنه وبعدين غير
لكن بما ان حضرتك من الاول وضحت الظروف و ان في سفر يبقى طبعا عندك حق تقلق من المستعمل
وفي نفس الوقت حضرتك حدد ت انسب عربيتين زيرو في حدود الميزانيه ....
مش فاضل غير كسر الزيرو ....
بس رأيي الشخصي يكون موديل عالي مش اقل من 2004
وده لسبب ... تكون العربيه حديثه نوعا ما و مامشيتش كتير... يعني 40 او 60 الف كم يكون ممتاز... وبالتالي تكون اوفر في صيانتها لانها بحالتها(لسه بخيرها)....
والعربيات اللي في الرينج ده :-
كيا بيكانتو - كيا برايد (سايبا) - هيونداي اتوس - فيات اونو - رينو كليو
لو قدرت تعلي شويه ممكن فيرنا .... -
وممكن اوي تجيب الماروتي او الالتو كسر زيرو بس موديل قريب يعني 2006 - 2007 ..... وتمشي بيها سنه ولا اتنين و بعدين تغير
ربنا يوفقك
|