السلام عليكم
طبعا هي كلها آراء كويسه وكل واحد واقتناعه ...
وانا عن نفسي مقتنع باللانسر لابعد الحدود ولا ببص ل124 حصان ولا 109 حصان ,..... لان احنا مش داخلين رالى دي كلها والله فروق بسيطه .......مع انى من هواة تقفيل العداد ومتكيفش من العربيه غير لما اشوف الامبير على اخر شرطة بس اللانسر عربيه فعلا محترمه جدا ...... انا مش بركبها باستمرار يعنى مش مالك ليها بس من وقت للتانى بسوقها مع اصحابي وبصراحه بحب اسوقها اوى ...... وبشد بيها مع اى عربيه لو بتتكلموا على الموتور والاحصنه بقى الكلام ده .... يعنى بشد بيها مع كرولا 2007 وشديت بيها مع الشارك 1500 وشديت بيها مع السيراتو الجديد على طريق سفر كمان الى هو طريق الكريمات (القاهرة- بني سويف ) يعنى برطع براحتك 100 كيلو مفيش ولا مطب ولا حتى ظلطايه هتقابلك ...وخليت بتاع السيراتو اتجنن مني ..... اخليه يجي جمبى واجي شادد اعديه بمسافه جامده
ثانيا هي عفشتها ناشفه شويه لانها عفشه رياضيه يعنى بتاخد المطب وتكتمه مش مرنه زي العربيات العاديه ..... هى اعتقد عيبها الوحيد من وجهة نظري التبلوه بتاعها شكله مش ظريف لكن خاماته ممتازه
اما السيراتو مع احترامي لسه تعتبر تحت التجربة فا محدش يحكم عليها بالحزم ده يعنى يا رجاله ..... هي مش متصنعه في السعوديه واللانسر متصنعه فى اسرائيل يعنى ....... كله شغال ولا السيراتو هتقولك لا واللانسر هتقولك لا
احنا شايفن السيراتو عربيه كويسه بس لم تجرب لمده كافيه .... دي يدوبك سنه واحد فى السوق المصري
وعلى فكره العربيات دى حظوظ والله ...... يعنى صاحبى جاب السيراتو وغيرلها جير بوكس والله بعد شهرين على حساب التوكيل طبعا وكل حاجه
وواحد تانى معرفه الصراحه مش صاحبي اوى........ جابها نفس الفئه الى هى ب 115000 تقريبا وشغاله معاه تمام
فا خلاصه القول هنا في مصر بختك يابو بخيت ........ وكله بيمشي وكله مش بيمشى .....خليها على الله
وآسف على الإطاله يا ريت اكون أفدت