[ahmedraafat00]

السلام عليكم
انا يا جماعه العربيه عطلت منى لاول مره
الموضوع بدأ يوم الخميس بليل وانا مروح جربت اشغل التكييف لقيته مش شغال انا قولت واضح ان فى قفله فى العربيه
تانى يوم الجمعه امبارح قبل الصلاه نزلت اخد العربيه و اروح النادى و انا ماشى بيها لقيت دخان طالع من تحت الدركسيون و من فتحات التكييف بعد كده روح ازود بنزين حطيت 20 لتر و انا طالع من المحطه لقيت دواسة البنزين بقيت تقيله مش زى الاول المهم كملت لحد النادى و ركنت العربيه و انا معنديش معلومات قويه فى الميكانيكا بس قولت ابص على الميه و الزيت لقيت الميه كويسه و الزيت ناقص قولت خلاص وانا مروح باليل اروح ازود زيت من اى محطه بنزين و قفلت العربيه و دخلت النادى
وباليل الساعه 11 رايح اخد العربيه و ارطلع بيها دورت و دارت معايا عادى جدا
وسيبتها تسخن شويه و وقفت مع صحابى بعد كده الجو كان فى ندى و شبوره و لقيت شبه دخان طالع من الكبوت روحت بسرعه بطلت العربيه و فتحت الكبوت اشوف الحكايه ملقيتش دخان قولت ادور العربيه وانا فاتح الكبون عشان لو فى دخان اعرف مصدره روحت ادورها للأسف مادارتش وده مش عيب بطاريه لان انا لسه كنت مدورها من دقايق عادى جدا و كمان لما مكانتش عايزه تدور النوار كلها كانت شغاله عادى و الكلاس شغال كمان
واحاول ادورها مفيش فايده فى الاخر قفلت العربيه و خدت تاكسى
ياريت لو حد عنده تفسير للى حصل يفيدنى يا جماعه
اسف على الاطاله