رد: اختبار قياده و ملاحظات على النيوسيراتو أول 700كم
بسم الله نكمل ما بدأناه !
أنا جبت مفتاح الكونتاكت العادى و رفضت الالكترونى لعدة أسباب ! أولا العادى سهل جدآ تطلع عليه 10 مفاتيح
احتياطى لو ضاع أو نسيته داخل السياره ! أما الالكترونى لو ضاع أو نسيته داخل السياره ! فستقف السياره كقطعة
الحديد فى أجدعها مكان و لن تستطيع تحريكها خاصة وأنك لا تستطيع تحريك عصاية الفتيس الآوتوماتيك فى هذه
السياره بالذات الا و المفتاح فى الكونتاكت و مشغل دائرة الكهرباء ! أيضا المفتاح الالكترونى لو وقع على الآرض !
كل سنه وانت طيب ! باظ وانتهى و تدور بقى على التوكيل يعمل واحد جديد بنفس الكود و بكذا ألف !!
يقال و ده قرأته فى كتيب السياره ان المجالات الكهربيه أو المغناطيسيه ممكن تؤثر على المفتاح الالكترونى !!
طب ايه العمل لو انت ماشى بالسياره جنب محطة توليد كهرباء و عملت لك قفله ؟ أو لو المفتاح خارج السياره تأثر
بأى مجال و باظ ؟؟ أخيرآ وجوده بيزود على ثمن السياره 3000 ج ! هوه احنا معانا كام 3000 ؟؟
المهم بتستلم السياره ب 2 مفتاح عادى فقط + 2 مفتاح ريموت كونترول ! والريموت ده له وجهين ! وجه مرسوم
عليه قفل مقفول علشان تقفل أبواب السياره من على بعد ! و قفل مفتوح طبعآ لفتح الآبواب ! و زر تالت مرسوم عليه
شنطة سياره مفتوحه ( لفتح الشنطه ) و التى يمكن فتحها أيضا بذراع و سلك من الداخل أسفل و أيسر كرسى القائد !
ظهر الريموت عليه زر لونه أحمر و مرسوم عليه علامة تنبيه ! عندما تضغط عليه فالسياره تولع و تطفى النور مع
صوت الكلاكس بصوره متقطعه زى الانذار ! و ده فايدته انك لو فى جراج كبير و مش شايف عربيتك بتضغط عليه !
تقوم تعرف مكانها ! و كمان لو حد مستنطع و قاعد على الكبوت وانت راكنها فى الشارع ! تديله زغده تنططه !
الريموت جيد و يعمل من مسافات بعيده و أنا جربته على 30 متر وتمام ! آه عند فتح الآبواب أو غلقها بالريموت طبعا
الآنوار بتنور و تطفى دلاله على تمام العربيه ! و لو فتحت المسوجر بالريموت و لم تفتح الباب من الآكره و اتأخرت
تقوم تقفل مسوجر تانى من نفسها للآمان ! علشان لو كنت فتحت المسوجر و نسيت و مادخلتش العربيه ! تقفل لوحدها !
و كفايه كده دلوقت و نكمل آخر النهار لظروف العمل ! ( يتبع ) !
Dr. Bolbolan ptmnlo123per1147
__________________
ليت الشباب يعود يوما  فأخبره بما فعل المشيب بى ! ptmnlo123per1127
|