لو الحاله نضيفه خدها بدون تردد ولو احتجت حاجة ليها ابقي قولي و انا اقولك تروح فين و لمين
احنا كنا في نفس موقفك و كنا جهزنا مقدم سيات توليدو 2006 زيرو لحد ما ظهرت ال 280 و خدناها عربيات فعلا روعه بس قبل ما تشتري شيك علي الحاجات دي و الباقي مش مشكلة
الموتور-دور العربية لو لقيت فيه دخنه بيضه خفيفه من الموتور نفسه من وش التاكيهات من الجنب كده يبقي تعرف ان الموتور ده خفيف شوية
الكارونه لو بتون اعمل حسابك علي ما لا يقل عن 1000 جنيه سعر الكارونة لوحدها و ده لو هتجيبها من تجار المرسيدس بتوع فيصل هتلاقي اللي يقولك 1500 و 1200 و كده
لو جبتها من بورسعيد ممكن تجيب عفشه ورا كامله في حدود 2000
الكبالن الخلفيه لو سمعت تسقيف في الملفات تعمل حسابك ان الكوبلن لو هتشتريه لوحده هتسمع برضه رقم في حدود ال 1000 جنيه و اكتر من 1000 كمان
العفشه الاماميه تخلي بالك من الاتي بيض الشاسيه المقصات و البارات و مساعد الدركسيون لان الحاجات دي اسعارها غالية
طرمبه البنزين تخلي بالك منها لانها غالية في التوكيل بحوالي 1100 جنيه برا البوش المضروب بحوالي 600 جنيه و الصيني ب 300-350
لو الصالون او الكونسول مثلا فيه حاجة مش مشكله الحاجات الداخليه بتاعتها مش غالية
و متخافش العربيات دي معمرة جدا و لو اشترتها مش هتندم و هتاكل كل العربيات الجديده علي الطريق و ثبات ملوش حل و فخامة و راحة علي الطريق ملهاش حدود عن تجربه
الحاجة الوحيده اللي هتتعبك في العربيات دي هي البقشيش بتاع البنزينات و الكلام ده اعمل حسابك علي فكه كتير بقي
و ربنا يوفقك و ان شاء الله تبقي من ملاك النجمه الجبارةptmnlo123per122