|
معادلة صعبه
الى كل اعضاء المتدى المحترمين ..
بعد 4 شهور انا فى حيره وبدون نتيجه .. قررت انى اشارككم مشكلتى وياريت الاقى حل مقنع عندكم.
انا اشتريت لانسر 2009 الشكل القديم فى شهر 3 -2009 وفى شهر 9 عملت حادثه والعربيه توتال لوست (مش انا السبب والله)ptmnlo123per144
ومن ساعتها وانا بفكر اجيب ايه تانى بس مش عارف
اولا اللانسر عربية محترمه جدا وناعمه وسمعتها كويسه
كفايه انى اقولكم انى جيت بيها من مرسى مطروح على 190 : 200 ك/س ومش حاسس انها بتجرى فى 3 ساعات
يمكن علشان كانت محمله بس بجد العربية كانت ثابته ثبات غير عادى
وساعة الحادثه الايرباج حمانى كتير لما فتح
وكمان الA.B.S كانت بتعمل معايا شغل لما كنت بجرى بيها
بدور على عربية بنفس المواصفات بس للاسف مش عارف
لانى اولا لو جبت عربيه بنفس المواصفات يبقى يادوب هدفع القسط ومش هعرف اعمل فيها اى حاجه تانيه لان القسط هياخد حوالى نص مرتبى وانا راجل متجوز وخلاص انشاء الله بعد 4 شهور هنا هتيجى
ورجعت فكرت انى اشترى عربية زى اللانوس او الفيرنا بس خايف ..دول ولا فيهم اير باج ولا الA.B.S دا غير انى سمعت ان العربيات دى بعد 120 ك / س بتهيس دا غير العيوب التانية مقارنة باللانسر
طيب قلت خير الامور الوسط اشترى ياض نيو اكسنت او بريليانس لاقيت ان البريليانس ناس كتير بتقول انها مش سيفتى مع ان توكيلها محترم والنيو اكسنت قطع غيارها غاليه وتوكيل غبور زباله
بجد انا مش عارف اعمل ايه
عايز اشترى عربية نضيفه وفى نفس الوقت الوقت اظبطها
مع ان الفلوس اللى هتفضل معايا بعد ما اخلص حق البنك فى اللانسر يادوب هتبقى 20000 ج طيب هدفعهم مقدمة عربية ولا اشتراك التامين ولا ايه
ياريت يا جماعه لو حد عنده حل لمشكلتى يقولى او لو حد شايف انى ازاى اقدر اتغلب على مشكلة خفية الفيرنا واللانوس فى الجرى دى يقولى وايهما افضل
(حاسس ان بتكلم فى برنامج حياتى )
عارف انى تقلت عليكم بس دا علشان ثقتى فيكم وهنيالك يا فاعل الخير والثواب
وليس كل ما يتمناه المرء يدركه
مستنى ردودكم
واسف مره تانيه على الاطالة
|