السلام عليكم ورحمه الله وبركاته
ازيكم يا جماعه اخباركم ايه وايه اخبار الشبوره معاكم احتمال النهارده تنزل شبوره جامده زى بتاعت امبارح برده فيه بوادر بتقول كده فارجو من الجميع اخذ الحيطه والحذر وياريت كل واحد يقول نصيحه فى الاوضاع دى علشان نتصرف صح ونستفاد كلنا ودى بعض النصايح
.توكل على الله فى كل طريق ولا تنسى دعاء الركوب
ـ" بسم الله ، الحمد لله ، سبحان الذي سخر لنا هذا وماكنا له مقرنين وإنا إلى ربنا لمنقلبون "ـ ـ" الحمد لله ، الحمد لله ، الحمد لله ، الله اكبر ، الله أكبر ، الله أكبر ، سبحانك اللهم إني ظلمت نفسي فاغفر لي ، فإنه لايغفر الذنوب إلا أنت "
2.اوعى تسافر فى الشبوره الجامده دي لان فعلا موش هتشوف اكتر من الطبلوه
لو مضطر تسافر اتأكد من نور العربيه يكون لمبات هلوجين يعني اللمبات الصفر لا زينون ولا اي لون تاني .انا سمعت اللمبات الي لونها احمر بتكسر الشبوره كويس الله اعلم .
3. تشغل الانتظار طول ما انت ماشي فى الشبوره صراحه مش عارف ده صح ولا لا لانى كنت شايف موضوع للاخ ابو نورا جزاه الله كل خير بيقول فيه نظريه كويسه برده متشغلش الانتظار علشان لو حبيت تقف تبقى تشغله بس اعتقد لو على السريع ممكن تشغله
4.اوعى تمشي لوحدك فى الشبوره واستنى لما تمشي مع عربيه او اكتر عشان تحذروا بعض والاهم ان الي فى المقدمه يكون شايف ويا سلام لو ترله او اتوبيس يبقى تمام .
5.اوعى تتهور وتفكر تعدي عربيه قدامك الكلام دا على الطرق الفرديه رايح جاي.
6. تكون الميه بتاعت المساحات مليانه والمساحات شغاله كويس وتشغل الهيتر على الزجاج الامامي فقط ودا عن تجربه عشان موش يشبر وتشغل الهيتر بتاع الزجاج الخلفي وتنزل الزجاج بتاعك شويه عشان تسمع الكلاكسات الي جايه او الي وراك .
دى بعض النصايح بعضها منقول للافاده