بسم الله الرحمن الرحيم
انا عندي كيا برايد سيدان موديل 2000 اوتوماتك وكنت عايز اعدلها بس ناس كتير نصحتني
وقلتلي بلاش تعدل العربيه ديه علشان شكلها وحش بس انا بصراحه بحب العربيه ديه اوي وحبيت
اعدلها لان شكلها بيكون جامده لما تتعدل ولا حظت ان في منتدانا الجميل ان في ناس كتير يمتلكوا
العربيه الحلوه ده عموما انا عارف شويه حاجات عن التعديل وفي حاجات تانيه مش عارفها
نبتدي بالتعديل علي الكيا برايد :---------------------------------
الموتور:
موتور الكيا برايد يعتبر جيد علي حجم العربيه بس مع التعديلات الي هنعملها اكيد
هيخف اوي يعني هوا عندي دلوقتي بيجيب 140 وبيشحر وغير اني بحس اني طاير
في الهوا طير عموما مكن العربيات الكوري سعره اقل من مكن عربيات اخري مثل
جولف ( Tsi و Abf و Bbf) والبي ام (Mpower و Haman)
والهوندا ( Sir و TypeR) المكن الكوري استراد بيبقي في حدود 3000 لحد
5000 يعني مثلا مكنه النوبيرا استيراد 1600 سعرها 3500 في الحرفيين عموما
انا سألت ممكن تسقيط مكن كتير في الكيا برايد زي مكنه الريو DOHC 16V وديه
سعرها حوالي 4000 غير التركيب طبعا الي بيكون في حدود من 500 جنيه لحد
800 وفي تركيب ارخص طبعا من الاسعار ديه
الشاسيه :
طبعا لازم تعمل تقويات في الشاسيه علشان انا سألت الناس الي سقطوا المكن في الكيا
قالوا ان المكن ده ممكن يفشخ العربيه علشان مكن قوي جدا
العفشه :
معنديش بصراحه معلومات عن انهي عفشه ممكن تركب علي الكيا سواء Kone او
Momo المهم هتحتاج عفشه رياضيه علشان الثباب وتقدر تشيل المكنه الي حضرتكم
هتحتوها
الكاوتش والجنط :
ديه صوره مثال علي ان ممكن تحت كاوتش وجنط كويس للكيا برايد بدون متقطع في
الساج بس لازم تنفيخ الرفارف علشان ميخبطش ده تقريبا جنط 15
وده جنط 16
وده جنط 14 تقريبا
وطبعا انا معنديش معلومات مأكده ان المقاسات الي انا قلتها مضبوطه بس انا وخدها
بالخبره كده
نظام الامان :
طبعا علشان تحت مكنه في اي عربيه لازم تعدل نظام الفرامل بتاعتها لان نظام الفرامل بيكون معمول
علشان يوقف المكنه الموجوه بتاع العربيه ولو عايزين تحتوا مكن في الكيا برايد فلازم تعملوا ثلات
حاجات علشان تعرفوا توقفوا المكنه الرهيبه الي هتتحت في العربيه أولا : عمل نظام ABS وديه
ينفع تتعمل في الكيا برايد لانه جهاز بيتركب وبيوصل علي الاربع فرد يعني مش حاجه معقده
ثأنيا : تكبير الطنابير ثألثا : عمل سكاكين خلفيه زي الي في الصوره علشان لما تفرمل الاربع
عجلات تمسك صح