المشاركة الأصلية كتبت بواسطة moslem2
حمد الله عالسلامه ياباشا وربنا يسترها معانا كلنا فى طريقنا.,,بس ياترى بتفكر تكرر التجربه تانى؟؟انا فى الكويت وبصراحه بستحمل الساعتين بتوع الطياره بالعافيه والمشوار من المطار لحد المنصورة ببقى شايل همه لحد ماربنا يكرم ويعملوا مطار فى قاعدة المنصورة ولا حتى دمياط ولا بورسعيد,,وبصراحه عن نفسى رغم جمال الرحله لكن استحاله اسافر بر تعب ومشقه والعربيه بتتبهدل والعربيه بتاخدلها عين تمام فى مصر و الاجازه كمان كلها بالكتير شهر ونص بالعافيه والواحد فعلا بيحتاج عربيه وبيخاف يأجر فالواحد يبقى يجيب له حته كده 128 ولا اوكا يقضى بيها الاجازه وخلاص ,,,وحمد الله عالسلامه يابرنس ودعواتى بالسلامه والستر للجميع
|
الله يسلمك يا باشا ... ربنا يسترها معانا جميعا يا رب
الفكرة يا باشا ان مصر من غير عربية و خصوصا مع وجود زوجة و اطفال ماتنفعش و خصوصا ان دى اجازة و الواحد بيبقى عاوز يسافر و يتفسح و يروح وييجى .. لو فردانى هتقضيها مش مشكلة انما لو متجوز هتبقى صعبة قوى
و جربت الايجار انا قبل كدة .... من الاخر استهبال ... بتمضى على نفسك شيك بتمن العربية و بتاخد عربية اى كلام و بايظة و كلها مشاكل ....و اشتغالات بقى رسمى يا معلم
الايجار لو مش حد معرفة و مظبطك تظبيط خرافى يبقى ماينفعش ... انا فيه واحد صاحبى نزل و اجر عربية موديل السنة كانت لانسر تقريبا و من غير شيك و لا تحديد للكيلومتر و ب 100 فى اليوم
بس ده كان قريبه ظابط و ظابط له مكتب الايجار ... لو كدة ماشى أأجر انما غير كدة لا...
و جزاك الله كل خير يا باشا