رد: مقارنة بين تريوس II و تيجو
والتجربة خير برهان صح ولا انا غلطان ؟
و إسأل مجرب ولا تسأل طبيب انا بقالي 5 سنوات راكب تيروس و القديمة كمان 1.3
شافت الذل معايا مافيش حد مناعرفه مابيركبهاش بسافر بيها كتير جدا شبه يومي زيت و مية بس من يوم ما اشتريتها ومرة تيل امامي و مرة 4مساعدين و ماشية بكفاة غير عادية ولا متوقعة مني ولا من حد بحملها بعض الاحيان 500 كيلو ده غير وزني انا و بتمشي 145 كويس جدا
وتجربة الطرق الوعرة لك انت تتخيل سيدي الفاضل انها مشيت في رمل شاطيء النخيل بالإسكندرية و الحمد لله طلعت بسلام مع العلم انها أتوماتيك
ده غير اماكن تانية و الارصفة والمطبات الي باخدها لو عربية تانية كان زماني بايعها لبتاع الروبابكيا !
قطرت بيها أكسنت من الاسماعلية للقاهر و التيل الامامي بتاعه قافش
لم يسبق ان نزلت ادورها وقالت لا جابتني من الفيوم لحد القاهرة كل السيور مقطعة يعني لا دينمو ولا مروحة ريداتير!و الحمد لله رب العالمين و الي بيرضى بيعيش و حجات كتير قوي
و كل ده ب45 الف بس مش ده متوسط سعرها في السوق ؟ بالسعر ده تشتري ايه غيرها ويديك كل ده؟
|