[AbOnOrA]

المشاركة الأصلية كتبت بواسطة faragrm شكراياغالى اللى فهمتة ما انا فهمى على قدى الترتيب غسل العربية فى الاول ثم كومبوند ثم بولش ثم شمع لو فية خدوش بسيطة ولا غسل ثم بوليش ثم شمع وهل نغسل العربية بين كل مرحلة ومرحلة ولا كلة ورا بعضة واى نوع من كومبوند و بولش و شمع يكون سائل وشكرا على المعلومات المفيدة على فكرة دى اهم معلومات فى المنتدى لان الواحد يقدر ينفذها بايدة

بص يا باشا لو بشكل دورى عادى يعنى ومفيش خدوش ولا اى حاجة تغسل العربية وتنشفها وتشمعها وبس

لو فيه خدوش او مشاكل فى الدهان ساعتها بتستخدم البولش او الكومباوند ومش شرط تغسلها حتى الا لو هتسحقها كلها بالكومباوند

تانى نوضح الكومباوند مادة بشكل معجون يحتوى على حبيبات صغيرة جدا بغرض سنفرة الدهان واكسابه النعومة والصقل الاساسى وطبعاً فى حالة وجود اتساخات قوية او تجاريح

البولش مادة سائلة علشان لو فيه عربية حكت فى الصاج وسايبة اثار البوية بتاعتها او اى طلاء مخالف اخر يتشال بالبولش اللى بيقدر يذيب اى حاجة على الدهان متقدرش المية والصابون تشيلها

فاستخدام البولش او الكومباوند متوقف على وجود مشاكل فى الدهان لو مفيش مشاكل يبقى اغسل وشمع بس

كمان مفيش كومباوند سائل الكومباوند معجون والبولش دائما سائل والشمع هو اللى ممكن يكون سائل او بشكل كريم وانا بفضل الكريم وان كان اصعب فى استخدامة