[hatemahmed75]

المشاركة الأصلية كتبت بواسطة MaXx امكانية التحكم في النقلات من عجلة القيادة هو اساسي في نظام ال DSG احب اقول حاجة تانية انه بيعلي اداء السيارة بشكل قوي و فاكر ان كان معوض فرق جامد بين عربية فيها DSG بمحرك اقل و عربية تانية محركها اقوي بس ناقل حرجة بنظام عادي ,,, العربية التوكيل اكد ان سعرها مش هتزيد عن 120 الف ,,, ( و ده لمصلحتهم ) و اكد علي ان هينزل موديل 1400 سي سي مانيوال و موديل اخر 1600 سي سي DSG GearBox الكماليات المتوقعة هتكون مثبت سرعة و 2 اير باج و ABS , EBD و 4 زجاج كهربائى و تكيف عادي مش تتش و راديو CD , MP3 يا رب ما اكونش نسيت حاجة ,,, وقت الحصول علي المعلومات ,,, النهاردة الساعة 6 و نص مساءا بتوقيت القاهرة مصدر المعلومات ,,, أ/ مريم مسئولة المبيعات في الهندسية للسيارات الفرع الكائن بشارع جامعة الدول العربية ...

السلام عليكم ورحمة الله وبركاتة
ياباشا كلامك مظبوط و 100 100 بس احب اضيف شئ صغير ان العربية نازلة بنظام فرامل خلفى و امامى DISK ودة بيدى العربية قوة فى الفرامل بالاضافة الى نظام ال ESP المكون من نظام ABS , TCS
و هذا النظام من احدث واقوى انظمة الفرامل فى العالم مما يعطى السيارة ثبات ومرونة فى نفس الوقت

المشاركة الأصلية كتبت بواسطة MaXx تعديل بسيط علي المعلومات DSG هو مانيوال بدون دبرياج ,,, و ليس اوتوماتيك ,,, و الانتقال من جير اقل الي اعلي او العكس بيكون زي الفيديو في المشاركة السابقة ,,, عن طريق زراعين علي يمين و يسار عجلة القيادة اليمين لاختيار الجير الاعلي و اليسار للنزول الي الجير السابق ( ما اقول ترس ايه جير اللي في وسط العربي ده ! ptmnlo123per1127) و هو يعطي السيارة قدرة افضل علي التسارع و ايضا استهلاك افضل ( اقل ) للوقود ... و ده اللي فهمته من خلال البحث عن معلومات اكتر عن النوع ده من ناقل الحركة ,,,

السلام عليكم ورحمة الله وبركاتة
على فكرة احب اوضح ان الفتيس ال DSG لس فتيس مانيوال ولكنة اتومتيك
انت اكيد تقصد الفتيس الايزيترونك
وللعلم ما فيش فتيس مانيوال فى الدنيا من غير مجموعة دبرياش انما فى دبرياش على كبسات كهرباء وهواء بدلاً من الدواسة الى جوة العربية
اما بالنسبة للفتيس الDSG هو عبارة عن فتيس اتومتيك بداخلة مجموعتين تروس لنقل الحركة المجموعة الاولى تقوم بنقل الحركة الفعلية الحالية للسيارة والثانية تقوم بالتحضير للسرعة (للغيار) الجديدة فى حالة اجراء الغيار تقوم المجموعة الثانية بنقل الحركة الفعلية فى حين تقوم المجموعة الاولى بالتحضير للغيار القادم وهكذا سواء فى حالة زيادة السرعة او تقليلها.
وجزاكم الله خيراً