المشاركة الأصلية كتبت بواسطة shooter123
الاخ العزيز ابو نورا
اولا اشكرك شكر عميق من كل قلبي لانك فعلا بتخدم الناس كلها هنا وبدون انتظار لكلمة شكر علي مجهوداتك الكبيرة
انا عندي لك استفسار عاجل وارجو الرد عليا بسرعه قبل ما ابوظ الفتيس
الحكاية بقي يا سيدي انا عايز افهم الاوتوماتيك ده ااقدر احافظ عليه ازاي؟ انا عربيتي مكواة 2003 كاملة اوتوماتيك موتور 1300 زي ما حضرتك عارف مفيش مكواة 1600 المهم عايز اعرف طريقة القيادة المثالية مع العلم اني علطول ماشي علي ال D حتي علي السريع وبمشي عليه 160 عادي بس لما اجي مثلا اغير من D الي R بحس بنغهع في العربية ده يا تري ليه؟ تاني حاجة اثناء النقل من الاول الي التاني وانا ماشي علي الD بحس بفصلة في الفتيس يا تري ده عيب ولا ايه؟؟؟؟
واثناء الوقوف في الاشارات مثلا بحط الفتيس علي P ولما اجي اطلع برجع علي ال D بحس برده ان العربية بتشب للامام فبحكمها بالفرامل
معلش انا طولت بس من العشم والله
وتحياتي ليك
|
السلام عليكم يا باشا ... اللى بيحصل ده عادى فى الجير الاتوماتك من حيث ان العربية بتشب لما تنقل بين النقلات و عادى انك تمشى على D على اى سرعة
اما الفصلة اللى بين الاول و التانى ممكن تكون محتاج عيار للجير أو تغيير زيت أو مشكلة فى الحساسات.. و نصيحة ماتسكتش عليها لأنها ممكن تزيد و تضطر تفك الجير كله و تعمله تجفيت .. يعنى عمرة كاملة
المشاركة الأصلية كتبت بواسطة gtr
حياك الله عزيزي.
أولاً, أنا في السعودية و لم أفهم اللقب (مكواة) .. أرجو أن تثقفني.
ثانيًا, أن سويت توضيب (عمرة كما تسمونها على ما أظن) للفتيس الأوتوماتيك عندي. و الفضاوة أثناء التنقيلات هي بسبب الحساسات. و هذا يظهر بالتأكيد في فحص الكمبيوتر.
و أنا لدي سؤال لك: هل تشعر أن الفتيس يفضي على الانعطافات و يزداد وضوحًا إذا كانت قوية ؟
إذا كان كذلك فهنا نقص في الزيت.
و سؤالي الثاني لك و هو الأهم: كم كيلومتر صرت ماشي بدون ما تغير زيت الفتيس ؟؟؟
و أنا بانتظار أن تحدد لي نوع سيارتك المكواة المجهولة بالنسبة ليptmnlo123per111 حتى أعطيك العمر الافتراضي للزيت حسب السيارة.
أنتظر ردك أخي الكريم.
|
اخونا الحبيب من السعودية .. معلهش انا عارف ان كلمة (مكواة ) فى السعودية لها معنى اخر
أما فى مصر معناها الحرفى (هى الشى الذى يتم به كى و فرد الملابس اسمها قوتى تقريبا عندكم فى السعودية )
و اخونا الكريم يقصد بالسيارة المكواة هى (اللانسر الشكل اللى هو كان سنة 2001 و 2002)