[فادى]

المشاركة الأصلية كتبت بواسطة hazem_khidr حاجه كمان حتي لو عربيات الديزل انتشرت فحتبقي فاشله لان الديزل هنا في مصر مش نقي للدرجه و دا بيخلي اصوات المواتير تبقي عاليه و كمان اول حاجه بتبوظ في العربيه الرشاشات و تلاقي اصوات العربيات في اول شهر عامله زي الميكورباصات كده لان مش معقول حيغير رشاشات كل شهر بسبب الديزل اللي مش نضيف علشان ما يسمعش الصوت دا

ده طبعا سبب أساسى و لمستها بنفسى لما كانت الناس بتسألنى عن البيجو 407 ديزل و كانت متخوفة من نوعية الديزل الموجودة فى مصر,
صيانة الرشاشات المتكررة مش هتشكل تحدى كبير لصاحب ميكروباص أو عربية نص نقل لأن ده أكل عيشة, أما السائق العادى فهو محتاج لسيارة مريحة لا تحتاج لكثير من الصيانة.
محركات الديزل الحديثة اتطورت بفضل تكنولوجيا التربو ديزل حقن مباشر, و كانت فيات كروما أول سيارة تجهز بمثل هذا النوع من المحركات, و بدأت بعدها ثورة الديزل(لا تزال فيات تشتهر بأنها أفضل منتج لمحركات التربو ديزل فى اوروبا).
و هى ببساطة محركات ديزل حقن مباشر مزودة بشاحن هواء تربو, لكن مازالت مشكلة الصوت العالى و الاهتزازات غير المستحبة موجودة فى سيارات الديزل( يتم تجاوزها نسبيا عبر اعتماد كواتم للصوت و العزل و حوامل هيدروليكية للمحرك تمتص الاهتزازات).