[AbOnOrA]

موضوع جااااااااااااامد جداً يا احمد بجد ومفيد وكامل الدسم لدرجة انى مش عارف يفضل فى الهيونداى ولا يتعملة كمان لينك فى الورشة لانه فيه معلومات مهمة للصيانة اى عربية عموماً بجد تسلم ايدك

نيجى بقى للتعليقات

اولاً عجبنى جدا جداً اهتمامك بالترتيب بخصوص تنظيف مكونات الموتور لان ده مهم جدا ومحدش بياخد باله منه حتى فى الورش او الميكانيكية
فزى مانت قولت المفروض الزيت والفلتر ينزل اخر حاجة والمفروض قبل تنظيف البوجيهات الموتور يتنظف بالهواء علشان مينزلش مكانها بعد ما تترفع تراب او اى حاجة
وانا كمان بفضل استخدام منظف الانجكشن قبليها بالف كم او اقل وبعدين تنظيف الحساسات مع الموتور واخيراً تسقيط الزيت والفلتر ويفضل كل ده يتم كل 10 - 20 الاف

كمان بالاضافة للبنود اللى عملتها يفضل اضافة الاتى

تنظيف دورة التبريد
الشكف على منظومة إدارة المحرك (كنترول - حساسات)
تنظيف الحوض والموتور بالهواء والفوم فقط
رفع البطارية وتنظيفها وملىء المياه بتاعتها
الكشف على كل الاضافات الكهربية وتغير ما يلزم



ثانياً نيجى بقى للكلام عن المميزات والعيوب
احسن حاجة فى الفيرنا بجد التكييف وقوة الموتور والفتيس ديه مفيهاش كلام
لكن الدفاع المستميت عن العفشة والثبات اللى اشترك فيه احمد باشا انور فده كلام مش دقيق وفيه ريحة تحيز وهقولك ليه

اولاً العفشة يعنى النقاط ديه
اجزاء ميكانيكية (مقصات وكبالن شمعدان بلى ... الخ)
تقييمى ليها انها متوسطة زى الكورى بتاع التسعينيات كله بس خد بالك الحاجات ديه يتحكم عليها بعد 100 - 150 كم على الاقل قبل كده طبيعى انها ميحصلش فيها حاجة
(ملحوظة) انا ممديتش ايدى فى عفشة البرايد الكورى مو 96 الا بعد 150الف كم مع العلم انها عربية استخدام اسرى وعلى طول محملة

اجزء هيدروليك (مساعدين)
دول برضو لسه بدرى علشان نحكم عليهم تماما خاصة ان العربية خفيفة وخاصة لو العربية مش بتحمل كتير وعامة الواضح انهم خفاف بطبيعتهم زى بتوع الانوس وبالتالى ادائهم متوسط ان لم يكن اقل واعتماديتهم معقولة حتى الان

منظومة الفرامل (سكاكين طنابير تيل صمامات ماستر)
ديه بقى مينفعش نقول عليها معقولة حتى لانها من حيث التصميم سيئة لانها مش مناسبة لقوة الموتور ده بالاضافة لمشاكل الطنابير اللى بتحصل مع غالبية الناس
اما موضوع سنس الفرامل ده فكنا اتكلمنا فيه قبل كده لان الفرامل فعلاً بالاضافة الى كونها اضعف من التحكم فى قوة العربية كمان استجابتها ابطىء بالرغم من ان العربية خفيفة
وبالتالى بقول للى يركب فيرنا تعامل معها على ان الفرامل وحشه مش نقول سنس !

اكسسوارات (جلب وكاوتشات )
معقول

العجل (كاوتش + جنوط)
سىء بلاشك ويفضل تغيير الاتنين كاوتش وجنوط لان الستوك وحش بشهادة الجميع

منظومة توجيه (سكاترا وباور)
معقولة برضو لكن بالمقارنة باليابانى بتاع التسعنيات تبقى سيئة

يعنى العفشة اجمالاً معقولة فى فئتها وسيئة عامة بالمقارنة بتكنولوجيا جيلها

انا مش بقول العربية وحشة بس زيها زى اى عربية ليها نقاط قوة وضعف
فالفيرنا اجمالاً نقاط قوتها الموتور والفتيس والتكييف بالاضافة للعوامل الاقتصادية
ونقطة ضعفها الاكيدة العفشة = فرامل تعليق ثبات

تسلم ايدك مرة تانية يا ابوحميد يا جامد بجد ويارب كلامى يبقى خفيف على الفيراناوية