رد: مناقشات في الكنيست لمنع اذان الفجر
استهدوا بالله ونبص احنا على حالنا سيبك من اسرائيل
الناس عندنا بنسبة 99999و99
متضايقه جدا عشان اذان الفجر فى اسرائيل او فلسطين وكمان مأذن سويسرا (مع ان على ما سمعت انهم اربعه فقط فى جميع انحاء سويسرا)
اللى انا مسغربله فعلا ان احنا بنحاسب ناس على امور فرعيه بعكس حالنا احنا عندنا مشاكل جوهرية و مفيش حساب
هاضرب مثل هل لو تقدم الرعايا الصينيين او الهنود فى مصر بطلب بناء معبد بوذى او هندوسى او حتى بهائى
ايه رد الفعل الشعبى ؟؟؟ ( اظن انه اكيد سيقابل بالرفض القاطع)
اللى اعرفه ان الحكومه عامله قانون اسمه دور العباده الموحد من حوالى 5 الى 6 سنين ومش راضيه تبعته لمجلس الشعب عشان عارفه (ده بناءا على كلام الفقى عضو مجلس الشعب) ان نواب الحزب الوطنى اول من هايرفضه
فما بالك بالاخوان
ملخص القانون ان اللى عايز يبنى اى مبنى للعباده هيتوجه لمكان واحد بشروط واحده لاى مبنى عباده ايا كان هو ايه
وده هيخفف كتير من الضغط على الحومه من بره ومن جوه
خلينا فى من جوه الاول الاخوه المسيحيين احيانا بيشتكوا من صعوبة بناء كنائس وانها محتجه اجراءات صعبه جدا
وانا اظن ان ذلك صحيح فلو اقر القانون ده هيريحهم ومن ناحية تانيه انا شايف ان ده لب الاسلام (الحريه)
فما بالنا بغير المسيحيين؟؟؟؟!!!
من بره بقى نجد ان فى مره لينا مصالح مع امريكا او اوروبا يفتحوا معانا موضوع الحريات الدينيه فى مصر
ففى رائي الشخصى اننا نسيب الناس اللى سبقتنا بكتيييييييييير ونخلينا فى مشاكلنا اللى هى اصعب الف مره من مشاكلهم
مع احترامى للجميع (ده مجرد رأى)
|