والله انت راجل عسل يا محمد انا عن نفسى والله ساعات كتير بلاقى استفسارات فى عربيات حتى عمرى ما سوقتها بس سهل الواحد يعمل بحث فى المنتدى هنا ويلاقى اجابة بس الناس استخدامها للمنتديات مع الوقت ومع انتشار السوشيال ميديا اختلف
مبقاش فيه الطابق الحوارى وانى اخش اخد وادى فى حوار ونفيد ونستفيد بالعكس مع الوقت الموضوع بقى اقرب للتيك اواى واحد بيدور على سؤال يخش يرمية واحد تانى بيبحث عن حاجة جاله اللينك فى نتائج البحث بيخش يقراء الموضوع ويقفل
خد بالك كده المنتدى بقى اقرب لقاعدة بيانات معلومات وتجارب وده مش وحش برضو انت نفسك زى ما عملت ممكن تستغل توبيك وتسجل فيه تجاربك اللى اكيد هتفيد غيرك لو عمل بحث عنها وتظهرله لكن بلا شك الطابع الحوارى مفتقد وروح الدردشة على الاقل بالنسبة لعشاق المنتديات واحشانا
شكرا يا محمد على موقفك وعلى الرسالة فى مضمونه
وبالمناسبة اه الكورسا فيها فيشه OBD بالاخص وبالتاكيد وبالعموم اى عربيه فيها حساسات ووحدة ادارة محرك لازملها واجهه تواصل Interface ومكانها تحت الدريكسيون فى درج علبه الفيوزات ع الشمال ومتوافقه مع اغلب انواع OBD2 سكانرز زى ال ELM واللانش وغيرهم
opel-corsa-obd.jpg
اهو السطرين دول ممكن متستفيدش منهم انت ولا انا بشكل مباشر بس واحد بعدنا بيسال او بيدور على نفس السؤال هنبقى ساعدناه يلاقى الاجابة اسهل ومتنسوش نجرب البحث فى المنتدى بالطريقة المبسطة فى محرك البحث
ظ…ط*ط±ظƒ ط¨ط*ط« ظ…طµط± ظ…ظˆطھظˆط±ط² - ظ…ظˆط§ظ‚ط¹ ط§ظ„ط³ظٹط§ط±ط§طھ ط§ظ„ط¹ط±ط¨ظٹط©