رد: ماذا تفعل فى هذا الموقف
اولاً اهلا بيك فى مصر موتورز ويارب تستفيد من اضمامك لاسرتنا المتواضعة
مبدئياً كلام كل الناس صحيح وفى الغالب المقارنة هتنحصر فى اللوجان - الفيرنا - الانوس - بعض موديلات الصينى
بس خلينا نتفق ان الكمال لله وحدة ومفيش شىء كامل الاوصاف حتى بعض المزايا فى بعض السيارات بتكون عيب فى نفس الوقت لناس تانية
انا مقدر حيرتك جدا لان كلنا مرينا بيها زى بالظبط الى داخل على جوازة من غير حب وخايف يتدبس علشان كده قبل ما نختارلك عروسة مناسبة لازم نعرف امكانيات وطلبات العريس الاول ايه وهل انت ميال لعربية من دول او بتكرهه عربية من دول ولا كلهم زى بعض فى عينيك ؟
ايه اولوياتك فى العربية وايه اهم متطلباتك وايه طبيعة استخدامك ليها ؟
ديه كلها حاجات مهم جدا تحددها علشان تخرج من الحيرة اللى انت فيها بعد كده صدقنى هتلاقى الموضوع سهل جدا ومحسوم وهنقدر احنا كمان نوجهك للانسب
تقبل تحياتى وكل سنة وحضرتك طيب
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|