[AbOnOrA]

المشاركة الأصلية كتبت بواسطة x514xx لية مفيش موضوعات ومشاركات جديدة في هذا القسم (القيادة فن وذوق ) دا السؤال نصف المعرفة والاجابة علية النصف الثانى

حضرتك عندك حق فيه تقصير منا عموماُ فى اضافه وتجديد المحتوى وخاصة فى الاقسام اللى ليها طبيعة معلوماتيه اكتر زى القسم ده لكن الاقسام العامة والحواريه ممكن تكون متجددة اكتر وفى القسم ده تحديدا بندرس امكانيه انتاج فيديوهات تعليم قيادة السيارات حسب اقتراحات بعض الزملاء فى المنتدى وياريت كلنا نشارك بافكار ومقترحات للتجديد بالاضافه لمحتوى القسم من موضوعات اساسيه

المشاركة الأصلية كتبت بواسطة t&n هو مفيش اصلا مشاركات ولا مواضيع جديده في اي قسم مش هنا بس ياباشا ده مفيش حد جاب سيره معرض اوتو ماك اللي كان حديث كل مهتمي السيارات انهيار كامل للمنتدي يا رب القائمين عليه يوصلهم المعلومه دي

زى ما قولت فعلاً فيه تقصير من الإدارة فى الفترة اللى فاتت بس مش معاك فى وصف الانهيار الكامل لان المنتدى زى ما فيه محتوى متجدد فيه محتوى ثابت ومعلومات بتخدم عشرات الالف من الاعضاء يوميا نتاج السنين اللى فاتت وديه صدقنى بتاخد وقت ومجهود وموارد من الادارة من قليلة علشان تفتح الموقع كل يوم تلاقيه شغال ومفيش اختراقات ولا اغراق اعلانى ديه مسئوليات يوميه ملتزمين بيها كادارة ومقصرناش فيها ابداء الحمد لله وبنعتبر حفاظنا على محتوى مشاركتكم وموضوعاتكم واجب وشرف لينا كادارة لكن لا يخفى عليك انتشار صفحات السوشيال ميديا وسهولة استخدامها وكونها ببلاش خلى اى حد بيعمل صفحه سيارات او جروب وببلاش فى دقيقه وده جه على حساب المنتديات طبعا فى السنين الاخيرة ففيه جزء راجع لتقصير من الادارة مش بنكره وفيه جزء على الاعضاء او الاتجاة العام للناس نتمنى تدعمونا فيه باقتراحتكم ومشاركتكم مع وعد بتطوير واهتمام اكتر من الادارة فى الايام الجاية ان شاء الله

فى النهايه بشكركم على الاراء والاهتمام طبعاً وايديكم معانا