رد: العربية بطة بلدى!
السلام عليكم الموضوع ده شائع فى كيا بعد 120000 كم ومحدش بياخد باله منه حتى لو رحتى التوكيل هيغيروا حاجات كتيره ممكن يوصل تمنها ل 10000 جنيه
الموضوع بسيط اسألى عن حد بيصلح كاربرتير ولو قريبه من شبرا فيه واحد فى الخلفاوى كويس هيعمل ليكى اكس وباب وهيقيس البكات كله ويمكن يغير واحد او اتنين والموضوع كله مش هيتكلف اكتر من 150 جنيه يقل مايزيدش وهتلاقى العربيه فاقت والبرجله اختفت ان شاء الله ومتفرطيش فى العربيه لان العيب ده بيزهق لانه مش ثابت على حال وبيكلف اللى ميعرفوش كتير على ما يكتشفه ودعواتكم وابقى طمنينى عشان كلنا نستفيد
|