مشكلة محتاجة اهل الخبرة
السلام عليكم
عندي سيارة نيسان صني 2006، دية كانت السنة اللي اول مرة يتم تجميع السيارة فيها في مصر، المهم السيارة دية فيها مشاكل من ساعة ما استلمتها لدرجة ان التوكيل غير في خلال فترة الضمان اجزاء بحوالي 15.000 الف جنية لعيوب مختلفة
من حوالي اسبوعين ظهر فيها عيب جديد وانا ماشي علي سرعة عالية الRPM فجاءة ينزل للصفر و العربية تبقي علي وشك الوقوف وفجاءة تشتغل عادي تاني بس لمبة الCheck Engine تنور، لما اسيب العربية شوية و ارجع ادورها اللمبة بتكون مطفية و بعد السير بيها تعمل كدة تاني، وديتها لاكتر من واحد و غيرنا البوجيهات و الكمبيوتر طلع في مشكلة في حساس الكرنك و الكامة فغيرناهم بس المشكلة لسة موجودة، راجعنا علي الضفيرة و الكاتينة و فكنا الضفيرة و رجعنا ركبناها بس المشكلة لسة بتحصل، اللي اتغير بس دلوقتي ان لمبة الCheck Engine بقيت منورة علي طول، لقينا فلتر البنزين مش نضيف ففكناه و نضفناه
المهم بقلنا علي الحال ده اسبوعين و مش عارفين السبب و الكمبيوتر موش متطلع اي اكواد تانية
اللي عندة حل يا جماعة او اقتراح يا ريت يساعدنا؟
شكرا
|