[حسام البورسعيدى]

المشاركة الأصلية كتبت بواسطة tamer827 برجاء اي شخص متخصص او واجهته المشكله دي يديني حل ليها غلبت مع الميكانيكيه كلهم السياره ماتركس 2007 اتوماتيك الفتيس لما العربيه تمشي مشوار يعدي النصف ساعه تقريبا بيعلق علي التالت ولما ببطل السياره كله يبقي تمام لكن بعد شويه ترجع تعلق علي التالت وهكذا كمان عايز اعرف فين مكان parking position switch وكمان توضيح السويتش ده بيعمل ايه بالضبط. شكرا.

دى ممكن تكون مشكلة فى الكنترول ..

علشان نتاكد حضرتك لما العربية تعلق معاك وتفضل ع التالت جرب تمشى على L وشوف هتجيب معاك الاول عادى ولا برضو هتفضل ع التالت ..

طيب نفترض انها فضلت ع التالت حتى لما جبت L يبقى دى مشكلة كهربائية .. هتراجع الاول على الفيش بتاعت الفتيس وتنضفها كويس باسبراى WD-40 وخصوصا فيشة العقل .. او ممكن تكون مشكلة فى الضفيرة او الكنترول نفسه

اما لو بتاخد الغيارات المانيوال عادى والمشكلة فى الـ D بس يبقى دى مشكلة فى الـ valve body اللى بيسموه العقل بتاع الفتيس او فى مجموعة الكلتشات اللى جوه الفتيس وفى الحالة دى انصحك بتغيير الفتيس كله ومتحاولش تعمله تصليح عند اى حد