[عمرو البياع]

شهادة حق لوجه الله تعالى
في حاجة غايبة عن الناس لازم أوضحها لأني كنت مطلع على المشكلة وبدايتها في جروبات اسبرانزا على الفيس الأستاذ محمود طلب رقمي في رسالة على الخاص على اعتبار أني عضو قديم ودائم المشاركات ودايما بشكر في زيوت زادو وفعلا كلمني وعرفت منه أن عربيته لسه شاريها مستعملة وبعد ما غير الزيت لمبة الزيت نورت معاه وكان بديهي أسأله غيرت الفلتر وكانت اجابته لأ وأنه لما سأل صاحب العربية اللي اشتراها منه قاله أنه مغير الفلتر الغيار اللي فات وأن الزيت اللي كان فيها موبيل xph وماشي 1500 كيلو وسألته عن شكل الزيت اللي نازل قالي أسود وشكله محروق وقولتله أكيد ماشي أكتر من 1500 كيلو خاصة أن اللي بيبع عربيته ممكن يديك معلومات مغلوطة وممكن يكون ناسي وقولتله أكيد الفلتر فيه بلاوي طالما الزيت نازل كده ونصحته بتغيير الفلتر وهو قالي أنا خايف الشوائب تكون اختلطت مع الزيت الجديد ولما سألته عن صوت الموتور قالي أنه صوته أصبح أهدى من الأول وأن سحب العربية اتحسن وأنه ملاحظ أن معدل استهلاك البنزين قل على العداد وأن مفيش غير اللمبة وهي بالمناسبة على السلانسيه بس لكن لما يسند سنة بنزين تطفي اللمبة وطلبت منه يطمني بعد تغيير الفلتر لأني كنت متأكد أنه سبب المشكلة وبعدها متصلش لهذا وجب التوضيح