رد: لانسر موديل 2007 مستعملة و لا نيسان صنى زيرو الشكل القديم
خليكي في النيسان الجديد أحسن
مع إحترامي لرأي الأستاذ خالد بس انا معايا صني الشكل الجديد 2013 ممتازه جدا من جميع النواحي بالنسبه لفئتها طبعا
وعلى فكرة ده مش تحيز أنا أصلاً جبتها غصب عني وكنت ناوي على كورولا بس الظروف.
لكن لما ركبتها لاقتها ممتازه بقالها معايا سنتين والحمد لله تمام أما العيوب اللى بعض الناس بتقول عليها فيها زي الفرامل ورمان البلي في التوكيل اثناء الصيانهبتكلم مع ناس كتير معاهم نفس العربيه والمعظم مجمع على انها كويسه بالنسبه لفئتها وشريحة سعرها لذلك أعتقد ان العيوب دي حالات فرديه نتيجة ان العربية بتتجمع في مصر وفي خامات كتير وأجزاء بتتصنع في مصر
ومع ذالك انا سمعت ان نيسان عالجت كل العيوب دي في موديلات 2015 وحدثت الشكل نسبيا أيضا
ونصيحه لو هتجبيها خليكي في السوبر صالون أفضل والفرق مش كبير بس الكماليات هتعجبك
والسعر ده 95000 غالي جدا علي اللانسر 2007 بس المهم انت بتسوقي كويس ولا لأ هو ده مربط الفرس
لو بتسوقي كويس خلاص بس لو لسه بتتعلمي يبقى حرام تجيبي جديد وحرام بردو مستعمل غالي ذي لانسر 2007 لو للتعليم خليكي في اى عربيه خفيفه تتعلمي فيها ومتكلفكيش كتير
يارب أكون فيدتك والسلام عليكم ورحمة الله وبركاته
التعديل الأخير تم بواسطة Ibrahim Azzazy ; 19-03-2015 الساعة 10:24 AM
|