[nader gouda]

بسم الله الرحمن الرحيم
بالنسبه لسعر الكبالن لانسر لو السياره فتيس عادى من 300 الى 450 حسب البلد الوارده منه المستعمل بمعنى الاستيراد من تايوان ارخص من تايلاند ارخص من المانيا واليابان لو السياره هيدروماتيك من 400 الى 600 الاثنين بصرف النظر عن السعه اللتريه
+++ الفوانيس الاماميه 1100 جنيه
+++ اكصدام خلفى 1300 جنيه لو الشكل العادى 1600للشكل البارز و 500 ج الشكل التايوان مع ملاحظه ان الشكل التايوان لازم تغير شنطه السياره وسعرها كامل 350 جنيه لاانها مش مطلوبه خالص
+++ المساعدين الخلفى كامل بالسوسته 300 جنيه لو تايوان 8 لفه للسوسته 500 جنيه لو الياباني 9 لفه للسوسته
+++ قاعده الموتور ( الجمل ) 200 جنيه ودى اهم قاعده لازم تركب اصلى والا العربيه هتزن من الموتور
+++ نصف امامى لانسر كامل 11000 جنيه والسياره الكامله 24000 جنيه
كل قطع الغيار أعلاه متوفره جدا وعلى حسب شطاره المشترى وكمان يوجد حرفيين للتركيب بمنتهى المهاره
+++ العنوان سوق المستعمل بعمارات بنك الإسكان ببورسعيد ودى مشهوره جدا جدا في بورسعيد يعنى اى تاكسى ب5 جنيه يوديك لحد هناك بمنتهى السهوله
+++ وفى كمان مفاجاءه لو تعرف شكل قطعه الغيار جيدا ممكن تجدها عند سوق العفشه في وسط عمارات بنك الإسكان امام مطعم جلال خلف المطافى بارخص سعر وددول عباره عن ناس هواه بيلموا بواقى قطع الغيار المستعمله من كل الموديلات بارخص سعر يعنى ممكن تجد كل رفايع السياره من كتاوت وفلاشر وفيوزات وطارات الدركسيون وطلمبه البنزين ومسمار العجل وكوريك رفع السياره ومغتاح العجل وكل الرفايع بس لو سائلت عن اى نوع مش هتلاقى اى اجابه لاانهم أصلا مش عارفين أنواع السيارات وقطعها