ساعدونى (128 - دايو لانوس - فيرنا - i 10 - اسبرنزا a113 )
 

السلام عليكم
اولا بعتذر انى حطيت 128 فى العنوان جنب حاجات جامدة :D :D بس دلوقتى هتفهموا ليه
انا دى اول مشاركة ليا وبكتب الموضوع دا وطالب منكو المساعدة
وانبسطت اوى لما قريت المواضيع وحسيت الناس بتساعد بعضها وكلو بيشارك
انا مش بفهم فى العربياااااات خالص
لسه متعلم السواقة جديد والحمدلله خلصت تعليم
جت مرحلة انى اجيب عربية
فكرت الاول اجيب 128 على الاساس انى لسه متعلم بقى وامشى بيها برحتى بس ناس كتير بتقلى هتصرف عليها وهيطلع عينك وهتعطل منك وكل شوية هتوديها للميكانيكى
قعدت فكرت شوية ورحت المعرض لقيت قصادى كذا عربية زيرو ومش عارف اختار انهى الافضل فيهم
- i 10 - Hyundai
- speranza A113
- lanos daewoo
- Verna
- KIA Picanto

العربيات اللى انا كتبت اسمها دى كلها سعرها متراوح ما بين 67 لحد 70
ما عدا الاسبرنزا ب 58
-
الدايو امكانيتها حلوة وواسعه بس شكلها كلاسيك اكتر
الاى تين واسبرنزا والبيكانتو .... شكلهم حلو اووى بس امكانياتهم اقل شوية من الدايو
الفيرنا .... مش عارف

فانتو ايه رايكو .... اجيب 128 ولا اجيب زيروو
ولو هجيب زيرو رايكم ايه فى العربيات اللى انا كتبت اسمها دى
ارجوكم ساعدونى انا محتار جدا :(
شكرا
:)

رد: ساعدونى (128 - دايو لانوس - فيرنا - i 10 - اسبرنزا a113 )
 

رد: ساعدونى (128 - دايو لانوس - فيرنا - i 10 - اسبرنزا a113 )
 

الدايو والاسبيرانزا والشيرى وكل اللى انت هتشوفه بيلمع فى المعرض

دول 128 بلاد بره


هما عندنا عربيات حديثة انما بره عربيات قديمة

وانا أفضل لك انك تبدأ بعربية استعمال مثل 128 حلوة جدا تتعلم وتترستق عليها الاول

وبعدين تخش فى الجديد وانت فاهم ومتمكن

انما ما تعملشى زى كثير بيجيبوا عربيات ويخبطوها

وال 128 مش بس هى اللى بتعطل وتروح لميكانيكى

كل العربيات اللى انت شفتها فى المعرض بتروح للميكانيكى وبتعطل وبتطلع عينك بره

الكمبيوتر فى العربية الحديثة هو بديل المكيانيكى المقرف فى ال128

واستخير ربنا وربنا يوفقك

رد: ساعدونى (128 - دايو لانوس - فيرنا - i 10 - اسبرنزا a113 )
 

اتفق مع الاخ الهولندى الطائر تماما

احنا هنا من حوالى 3 سنين جبنا عربية فيرنا (والدتى بالتحديد)

وما ادراك مصاريفها (كعربية زيرو) كتير جدا والخبطات والخرشبة واللى واللى

وبعدين لو جبت زيرو كده كده حتصرف مش برة لأ فى التوكيل(علشان متكسرش الضمان)

انا مرة بس خرطوم الفرامل لعجلة سررب وعاز يتغير اتجاب بى حوالى 450 جنية

زيادة على انك لا قدر الله لو اتخربشت ولا اتخبطت مش شرط يكون منك ممكن تنزل الصبح تلقاها مخبوطة حتصرف كتير جدا(عربية جديدة)

زيادة كمان سامحنى انا اهوه معانا فرنا فى البيت اه (زيادة على فولفو لسه جايبها ليا انا) مش حقلك جامدة وكده (الفرنا) بس والله السعر ده اللى حتجيب بيه مش حتحس باى فرق احنا دفعنا 7x الف فل اوبشن ولكن عادى ولا حتلاقى abs ولا انظمة حماية زى اللى فوق ال 90 وال 100 او اكثر طبعا

طبعا ده مقارنة بالتكاليف ومتوسط دخل الفرد فى مصر

اسف طولت عليك وانا عارف انى العربيات القديمة بتاكل فلوس بس والله انت ونصيبك ممكن تلاقى حاجة لقطة

القرار ليك فى النهاية وده رأى شخصى

شكرا

رد: ساعدونى (128 - دايو لانوس - فيرنا - i 10 - اسبرنزا a113 )
 

دايو لانوس وبلاش شيفروليه لانوس ومبروك