مصر موتورز مجتمع السيارات - خايف اطلع على الطريق وقلقان

مصر موتورز مجتمع السيارات (https://www.masrmotors.com/vb/index.php)

- لادا LADA (https://www.masrmotors.com/vb/forumdisplay.php?f=120)

- - خايف اطلع على الطريق وقلقان (https://www.masrmotors.com/vb/showthread.php?t=97163)

خايف اطلع على الطريق وقلقان

انا معايا لادا 2107 روسى انجيكشن موديل 2006 العربية مخليانى ماشى وانا قلقان وخايف اطلع على طريق سريع:hd:
العربية لما بعدى بيها ال100 بحس ان العربية بتتهز وبتغربل دى اول حاجة
تانى حاجة العربية بقت بتحدف يمين حتى وانا ماشى وسط البلد بردو بتحدف ولازم اعدل العربية بالدريكسيون تانى
تالت حاجة البوش الى ف دريكسيون العربية تعبنى اوووى وخايف افتح علبة الدريكسيون بنفسى لاحسن ابوظ حاجة لاقدر الله
ان شاء الله انا ناوى اصلح العربية عند بتاع العفشة بس ياريت من حضرتكم تعرفونى وايه الحل للمشاكل دى لانى مش عايز بتاع العفشة يضحك عليا
وحاجة اخيرة امتى اعرف ان البيض بتاع العربية محتاج يتغير ؟؟
وشكرا لاعضاء المنتدى :fun_36_3_16[1]:

رد: خايف اطلع على الطريق وقلقان

بص موضوع الغربلة دا محتاج ترصيص للعربية والحدفة اليمين دي ضبط زوايا والبوش دا انا معرفوش والبيض بتاع العفشة لازم تراجعه كل شهرين على الاقل مع عفشجي كويس :THUMBS~220:

رد: خايف اطلع على الطريق وقلقان

اقتباس:

المشاركة الأصلية كتبت بواسطة KHALED89 (المشاركة 755626)

انا معايا لادا 2107 روسى انجيكشن موديل 2006 العربية مخليانى ماشى وانا قلقان وخايف اطلع على طريق سريع:hd:
العربية لما بعدى بيها ال100 بحس ان العربية بتتهز وبتغربل دى اول حاجة
الغربلة ومن كلامك ممكن يكون ليها سببين

اول سبب عامود الكردان اما انة عاوز يترف على المخرطة او يتعاد على رباط المسامير بتعتة او ان متلوتة الفتيس مشققة وعاوزة تتغير وكل دول سبب واحد مرتبط ببعض وارجوك لازم تعملهم
السبب التانى هو ترصيص العجل الامامى والخلفى

تانى حاجة العربية بقت بتحدف يمين حتى وانا ماشى وسط البلد بردو بتحدف ولازم اعدل العربية بالدريكسيون تانى

دة ظبط زوايا وظبط ضغط العجل

تالت حاجة البوش الى ف دريكسيون العربية تعبنى اوووى وخايف افتح علبة الدريكسيون بنفسى لاحسن ابوظ حاجة لاقدر الله

اتكلمنا الاسبوع اللى فات فى البوش باستفاضة ودة لنك علاج بوش علبة الدركسيون والغريب انة لحضرتك !!!!!!!!!

http://www.masrmotors.com/vb/showthread.php?t=96423

ان شاء الله انا ناوى اصلح العربية عند بتاع العفشة بس ياريت من حضرتكم تعرفونى وايه الحل للمشاكل دى لانى مش عايز بتاع العفشة يضحك عليا
وحاجة اخيرة امتى اعرف ان البيض بتاع العربية محتاج يتغير ؟؟

هاتسمع صوت طقطقة فى بداية تلف البيض

وشكرا لاعضاء المنتدى :fun_36_3_16[1]:

الشكر لله
========================= ===

رد: خايف اطلع على الطريق وقلقان

شكرا للاعضاء mr_astra & sherifabden على سرعة الرد:THUMBS~220:
واخى الكريم mr_astra انا خايف بس انى افتح علبة الدريكسيون والعب فيها انت فاهم الواحد بيخاف يبوظ حاجة ف العربية وهو مش عارف
فكنت بسأل بس مين الى يقدر يبص على الدريكسيون الراجل بتاع العفشة ولا حد تانى
وسؤال تانى معلش لحضرتك > هو يعنى ايه متلوتة الفتيس مشققة ؟؟
لانى انا عندى مشكلة تانية نسيت اقولها انا الفتيس عنى وانا بنقل بحس انه تقيل شوية
هل كل اللادا كده ولا انا الى عندى مشكلة ؟؟
ومعلش اعذرونى اسألتى كتير بس عشان لسه مبتدأ ف السواقة :120102~318:

رد: خايف اطلع على الطريق وقلقان

اخى الكريم
انا تحت امرك واسال زى ما انت عاوز طالما عندى اجابة بيشرفنى انى ارد عليك
المهم فى الموضوع دلوقتى الغربلة بتاعة العجل او العربية كلها زى ما حضرتك بتقول
لو بتحس ان العربية بالكامل بتتهز بتعمل فيبريشن يبقى الكردان فية رفة
متلوتة الفتيس هى جزء كاوتش او بالاصح كوبلن بين الكردان والفتيس وتملى فى الادا بيشقق او بيتقطع
ولازم نغيرة لو فية مشاكل وللاسف الموجود فى السوق (اليوغزلافى ) تعبان اوى والاحسن انك تجيبة استيراد
الفتيس التقيل لما نظبط غربلة العربية هيبان سببة خلية للمرحلة التانية