مصر موتورز مجتمع السيارات - عضو جديد يا جماعة و استشارة مهمة !!

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - عضو جديد يا جماعة و استشارة مهمة !! (https://www.masrmotors.com/vb/showthread.php?t=9690)

عضو جديد يا جماعة و استشارة مهمة !!

السلام عليكم و رحمة الله و بركاته

أنا متابع الموقع من فترة و لسة مشترك حديث .. و الموقع جامد جدا يا جماعة ..

بس أنا كنت محتاج استشارة ضروري .. أنا انشاء الله ناوي أشتري عربية جديدة .. و معايا حوالي 60000 و مشعارف ايه الأنسب ..

أنا عموما يهمني انها تكون عربية تعيش و سهلة في صيانتها و قطع غيارها .. و كمان تكون مش تقيلة في السواقة ( بس أمان طبعا ) .. و ممكن أرفع السعر ل 70000 ( أو أنزله برضه ptmnlo123per1127 ) ..
مع العلم ان كان معايا شاهين 1400 موديل 96 بس الحمد لله ربنا تاب علينا !!

و أنا ميال لشركة فيات و بالذات البونتو .. فايه رأيكو يا جماعة فيها , و في أي عربية عموما بالمواصفات اللي تناسبني !!

معلش عشان أضفت الموضوع في القسم ده .. بس أنا قات آخد الرأي من الاستراحة بروقان كدة ..

أرجو الافادة .. و مبروك لمصر .. أهلاوي مانشستراوي ..

رد: عضو جديد يا جماعة و استشارة مهمة !!

اهلا وسهلا بيك اخي الحبيب في منتداك:)
بالنسبه للمبلغ فللاسف حتبقي اختياراتك محدوده
لان قليل لما تلاقي عربيات كويسه بالسعر دا .
انا من رأيي لو عاوز هاتش باك هات البونتو كلاسيك و مش حتندم
عربيه تقفيل ايطالي و جميع الكماليات و ب 66 الف .
يا اما تجيب فيرنا لو عاوز عربيه بشنطه و برضه عربيه بتستحمل و كويسه جدا.
ابعد عن العربيات الاصغر من البونتو زي الi10 و البيكانتو و ما الي ذلك لو عاوز عربيه بتستحمل.

رد: عضو جديد يا جماعة و استشارة مهمة !!

مرحبا بك فى عالم مصر موتورز الساحر
أتفق مع رأى أخى حازم
واضيف لاختياره الشيفورلية لانوس

رد: عضو جديد يا جماعة و استشارة مهمة !!

شكرا يا جماعة جدا على سرعة الرد ptmnlo123per171

رد: عضو جديد يا جماعة و استشارة مهمة !!

اتفق مع الجميع واضيف هيونداى جيتز كورى 100% وهاتش باك