السلام عليكم و رحمة الله و بركاته

انا محتاجة اشتري عربية تكون عالية عن الارض و عزمها شديد و تتحمل مسافات و مطبات و خصوصا مطباتك يا مصر :12422A~17:
المشكلة اني معنديش اي فكرة بسوق السيارات وبعد بحث وتمحيص استقريت علي الموديلين دول
يا اما دايهاتسو تيريوس
يا اما هيونداي توسان

انا محتاجة اجيب حاجة فيهم في المستعمل يعني مش هجيب جديد عشان طبعا لازم اشد لحافي علي اد فلوسي :thnkr:
بس انا بصيت علي سعر التيريوس في المستعمل في حدود 45
و مش عارفة التوسان في منها مستعمل و للا لاء؟
......................... ..
وكمان عايزة اسأل الله يكرمكم ، ينفع اتعلم سواقة علي عربية من دول لما اشتريها ؟؟ و للا هيكون صعب عشان العربية عالية؟ يعني اتعلم سواقة الاول و للا اشتري العربية الاول؟
لان في كذا حد نصحني اني اتعلم سواقة علي عربيتي افضل !!!
----------------------------
و بالنسبة للي هيسوق مسافات طويلة بس كي جي وان سواقة يعني يجيب اتوماتيك و للا مانيوال افضل ؟؟
يعني لو انا اتعلمت سواقة علي عربية اوتوماتيك هعرف بعد كدا اسوق مانيوال لو احتجت و للا هيكون صعب؟

---------------------------

و اخر استفسار بقي لاختكم الغلبانة :30p[1]: ازاي اشتري الموديل اللي انا عايزاه في المستعمل و ما اتغشش فيه ؟؟

ولو عندكم موديلات تانية ترشحوهالي في العربيات العالية عن الارض غير دووول يبقي كتر خيركم
......................... ......

و جزاكم الله خيرا :140109~347: