استهلاك البنزين!!!!!
 

السلام عليكم يا اساتذة اللانوس...
انا عربيتى لانوس 1 م 99 ..عاملة 202000 كم ..انا النهارده كنت راجع من مرسى مطروح و فولت العربية و صفرت العداد الصغير و قولت اشوف الاستهلاك للوقود كنت ماشى كويس فى الطريق و لما وصلت بالسلامة لقيت انى عملت 320 كم و التنك فاضل فيه الربع بس؟؟؟؟ و زميلى عمل نفس المسافة و التنك بتاعه فاضل فيه النصف و عربيته لانوس 2012؟ يا ترى السبب ممكن يكون ايه ...البوجيهات مكملتش 5000 كم
ارجو افادتى .. و شكراً

رد: استهلاك البنزين!!!!!
 

المفروض لتجنب خطأ العداد
ان بعد ما توصل تخش بنزينة تمون تانى و تشوف المسافة المقطوعة مع كمية التموين

رد: استهلاك البنزين!!!!!
 

رد المهندس احمد هو اصح طريقة للحساب
بمعنى اذا كان التنك اجمالى سعته 45لتر
بعد قطع مسافة ال320كم يتم اعادة التفويل مرة اخرى ولنفرض ان السيارة اخذت 30لتر مثلاً
العملية الحسابية تكون 320 كم/30 لتر =10.6كم ×20لتر =الناتج يعنى ان السيارة تسير 213 كم فى الصفيحة
وللعلم هذة العملية فى الطرق المفتوحة
ولها عوامل مؤثرة اخرى مثل السرعة 100كم/س او اكثر
استعمال التكييف من عدمه
المهم :الحمدلله على سلامة الوصول
:140109~347::140109~347:: 140109~347::140109~347:

رد: استهلاك البنزين!!!!!
 

ا/ محمد.. فعلا عند التموين مره اخرى العربيه اخدت 30 لتر كل ربع فى العداد ياخد 10 لتر..
يعنى كده الاستهلاك على كلام حضرتك معقول و لا وحش مع العلم انى كنت ماشى على 100كم و 150 حد اقصى و بدون استخدام التكييف و اتحركنا من هناك الساعة 10 الصبح ووصلنا الساعه 12.30 الظهر فى عز الشمس . و توقف بسيط جدا خلال السكه لتزويد الكاوتش...الموضوع عاملى قلق شوية من استهلاك البنزين ..طمنونى و قولولى اعمل ايه ؟؟ على فكره التانك 48 لتر

رد: استهلاك البنزين!!!!!
 

على فكرة كد الاستهلاك حلو وانا باسافر على طول نفس المسافه والاستهلاك كدة زى الفل