عايز اشتري A11
 

يا جماعه انا بفكر اشتري A11 بس خايف من الموتور وقطع الغيار وقدره التحمل خصوصا اني بسافر كتير تقريبا كل اسبوع 500 كيلو رايح جي عايز اعرف قدره التحمل _والثبات_وقوه العفشه_وقطع الغيار_واماكن تواجدها_وهل هي موجود بكثره ولا صعب الاقيها ......وكل سنه وانتو طيبين وياريت الافاده .وجزاكم الله خيراً

رد: عايز اشتري A11
 

بصراحة كشفتش شيري a11 كتير في الشارع و مشعارف ابو الفتوح ممكن يشغتل فيها لقدر الله لو حصل حاجة , مع ان العربيتين انتاج شيري بس غير منتشرة و قطع الغيار ممكن تكون مشموجودة .
مشعايز أعقد المسائل ممكن تنزل و تسال عند المحلات على قطع الغيار و ممكن تكلم مركز خدمة ابو الفتوح و تسال عنها و استنى راي الزملاء ممكن يسعدوك اكير , و كل عام و انت طيب

رد: عايز اشتري A11
 

أنا عندى عربية شيرى A15 وهى لا تفرق عن A11 الا فى الشكل الخارجى وهى سيارة قوية سافرت بها من القاهرة للغردقة مرتين دون أى مشاكل ورغم أننى أحب الالتزام بالسرعة القانونية الا أننى أحيانا كنت ألمح مؤشر السرعة على 150 أو 160 دون أن أدرى ودون أن ألاحظ أى مشكلة فى الثبات أما المحرك ممتاز أما عن قطع الغيار متوفرة فى التوكيل الخاص بها على طريق القاهرة الاسماعيلية الصحراوى بعد مدينة السلام بقليل تليفون 26203040 كما انها متوفرة أرخص من التوكيل فى بعض المحلات مثل مؤسسة بكين بشارع دمشق مصر الجديدة وكذلك محل صقر وله عدة فروع بالمعادى وشارع جسر السويس وغيرها - عموما ربنا يوفقك الى ما فيه الخير

رد: عايز اشتري A11
 

عندى A11 كاملة مانوال 2007 و عامل حوالى 112 الف كم كلهم سفر من جبل الزيت ف البحر الاحمر جنوبا الى مرسى مطروح شمالا والحمد لله زى الفل اهم حاجة لما تختار ما تسترخسش وما تشتريش واحدة معكعكة ومركب لها من الشرق والغرب بس هى عربية جميلة وامكانياتها عالية بالنسبة لسعرها الموجود بالسوق حاليا وقطع غيارها موجودة عند صقر بفروعه وربنا يوفقك لما فيه الخير.