مساعدة عاجلة للاهمية
 

ارجو من كل اصحاب الخبرة اللي بيفهموا في التكييف انهم يحاولوا يحلوا معايا المشكلة دي انا كل ما اشغل التكييف يجيب ريحة بنزين كتير جوة العربية مش عارف منين وانا عربيتي سيينا موديل 2000 ولما سالت عن الفلتر بتاع التكييف الراجل بتاع التكييف قالي دي مالهاش فلتر للتكييف- الصراحة مش عارف دة صح ولا لأ ولا حتى ازاي- المهم يا اما حد يقولي اية المشكلة يا اما تقولوا لي على حد بتاع تكييف قريب مني انا ساكن في المطرية عشان كدة مش عارف اخرج بيها خالص في ايام الحر دي وكل سنة وانتوا كاكوا طيبين احنا داخلين على عيد كمان اهو

رد: مساعدة عاجلة للاهمية
 

ممكن يكون فيه تسريب من الرداخ الصغير اللى فى الكربراتير
اللى مسئول انه يعلى الصلانسية لما تشغل التكييف
والكاوتشة بتاعته بتسرب بنزين والرائحة تدخل ع الكابينة

انا رأيى تراجع على موضوع الكربراتير ( ده لو هيا كربراتير )

لو انجيكشن برضو احتمال يكون فيه صمام بيشتغل لما التكييف بيفتح والصمام ده بايظ

متابع مع حضرتك وياريت تقولنا اه الأخبار وبالتوفيق بإذن الله حاجة بسيطة

رد: مساعدة عاجلة للاهمية
 

اولا متشكر جدا هلى اهتمام حضرتك بموضوعي ثانيا هي العربية انجيكشن بس اراجع بقا على قصة الصمام دي فين؟؟ انا اي نعم مهندس ميكانيكا بس ميكانيكا قوى يعني ماليش في العربيات اوي

رد: مساعدة عاجلة للاهمية
 

تعال عند بنزينة التعاون اللى فى المطار
اخر طريق المطار على ايدك اليمين

هتلاقى اخر الرصيف توكيل على أده كده بيصلح فيات وألفاروميو

عدى عليهم كده خليهم يكشفوا بس ولما تعرف اه اللى فيها ممكن تصلحة برا

انا ماجربتهمش الصراحة لكن عموما كشف بس على مانشوف اه النظام

ولو فيه حد من الإخوة الزملاء يعرف حد متخصص فيات يقول :shyy:

كمان هتلاقى واحد متخصص فيات وألفاروميو ، عارف ألماظة ورا محطة تموين السيارات بالغاز
فى هناك شارع مليان ورش بتاعت عربيات
الشارع اللى بيبص على دار الإشارة وعلى ناصيته بتاع كاوتش

قبل اخر الشارع من ناحية جوا (الغاز ) هتلاقى واحد محترم اوى بتاع فيات متخصص
عدى عليه وشوف هيقولك اه ، هو برضو من المدرسة القديمة فاهم شغله

رد: مساعدة عاجلة للاهمية
 

--------------------------------------------------------------------------------تعال عند بنزينة التعاون اللى فى المطار اخر طريق المطار على ايدك اليمين هتلاقى اخر الرصيف توكيل على أده كده بيصلح فيات وألفاروميو عدى عليهم كده خليهم يكشفوا بس ولما تعرف اه اللى فيها ممكن تصلحة برا انا ماجربتهمش الصراحة لكن عموما كشف بس على مانشوف اه النظام ولو فيه حد من الإخوة الزملاء يعرف حد متخصص فيات يقول كمان هتلاقى واحد متخصص فيات وألفاروميو ، عارف ألماظة ورا محطة تموين السيارات بالغاز فى هناك شارع مليان ورش بتاعت عربيات الشارع اللى بيبص على دار الإشارة وعلى ناصيته بتاع كاوتش قبل اخر الشارع من ناحية جوا (الغاز ) هتلاقى واحد محترم اوى بتاع فيات متخصص عدى عليه وشوف هيقولك اه ، هو برضو من المدرسة القديمة فاهم شغله Hisham.Elgazzar BRAVOOOOOOOBRAVOOOOOOOBRA VOOOOOOO