رينو 9 ولا أوبتيما ؟؟؟؟؟
 

السلام عليكم

أنا يا جماعة محتار بين 9 و أوبتيما بحكم المبلغ الي معايا هو 24000
فكنت عايز أعرف مميزات و عيوب كل واحدة
و مين أحسن من التاني
و ألف شكر

رد: رينو 9 ولا أوبتيما ؟؟؟؟؟
 

بص ياباشا من واقع احتكاكى بالرينو 9 اقدر أجزم بأن العربيتين نفس الحاجة حتى الموتور
الاختلاف تابلوه بلوحة العدادات و فوانيس امامية و خلفية و طبعا سعة موتور ولو ان صبة الموتور مش مختلفة بس هتلاقى ان الاوبتيما من 97 و انتا طالع اعتقد يعنى اما ال 9 بدايتها من 81 حتى 90 او 91 ( الخليجى منها )

رد: رينو 9 ولا أوبتيما ؟؟؟؟؟
 

أولا أسف جدا علي تأخر الرد لظروف ثانيا الف شكر علي ردك
بس انا كنت عايز أعرف عنهم أكتر من كدة
و بما إنك معاك الرينو 9 قولي إية رأيك في الثبات بتاعها
و الف شكر ليك ياباشا

رد: رينو 9 ولا أوبتيما ؟؟؟؟؟
 

ياباشا الله اكبر على الرينو 9 ماشاء الله الثبات بتاعها زى الفل و عربية محترمة جدا وشوف ايه تانى عاوز تعرفه و انا تحت آمرك

رد: رينو 9 ولا أوبتيما ؟؟؟؟؟
 

و الله من كلامك حببتني فيها بس ليا أسئلة أخيرة هل هي دفع خلفي و لا جر أمامي و هل موفرة في البنزين و أسعار قطع الغيار

و أهم حاجة هل تستحمل تروح من المعادي للعاشر من رمضان كل يوم ؟
و ألف شكر