سؤال في دورة مياة موتور 127
 

ياجماعة بعد اذنكم... بالنسبة لدورة المية التبريد لموتور 127 ... دلوقتي فيه عادي ماسورة جاية من الموتور من فوق بترمي على الردياتير .. والردياتير بيدي طرمبة المية مفيش مشكلة .. لكن انا لاقيت ماسورتين تانيين في الموتور اللي جبته استيراد ده .. ماسورة طالعة من فوق برده وماسورة طالعة من طرمبة المية . الميكانيكي قالي هات خرطوم ووصل الاتنين ببعض ... فانا شايف بكدة ان الخرطوم ده بياخد من الموتور على الطرنبة علطول من غير ما يعدي بالردياتير .. فهل كدة صح ولا ايه...؟؟؟ افيدوني يا أهل الخبرة او لو حد عنده رسم كروكي لموتور 127

رد: سؤال في دورة مياة موتور 127
 

مش متأكد أني مجمع معاك صح
بس هو أنا عندي في التيبو ال1400 الماسورة اللي فوق اللي راكبة علي طرمبة الميه دي طالع منها ماسورة رفيعة بتتوصل بخرطوم قصير بالمانيفولد عشان تسخن البنزين اللي داخل علي الموتور

رد: سؤال في دورة مياة موتور 127
 

حتى لو حط طبة فى الإتنين عادى

انا بفتكر ماسورة كبيرة
دول بتوع الدفاية ماتقلقش عادى

رد: سؤال في دورة مياة موتور 127
 

بس ياباشا دا كدا خد من السخن للسخن مباشرة من غير ما يعدي يعلى دورة تبريد على ما اعتقد يعني كسر دايرة التبيريد

رد: سؤال في دورة مياة موتور 127
 

اقتباس:

المشاركة الأصلية كتبت بواسطة smartdoctor85 (المشاركة 732831) بس ياباشا دا كدا خد من السخن للسخن مباشرة من غير ما يعدي يعلى دورة تبريد على ما اعتقد يعني كسر دايرة التبيريد

تخيلها كده مع نفسك يا دكتور

هو واخد من الماسورة اللى بترمى جوا الدفاية اللى عندك فى الكابينة

وبعدين وصلها فى الخط الراجع

يعنى بدل مايركب الدفاية وتعمل مشاكل وصل الكوبرى على طول

ممكن تطبب الإتنين ومن غير أدنى مشكلة فى دورة التبريد

وممكن توصلهم عادى بشرط المتابعة الدورية للحالة العامة للخرطوم علشان ده لو اتخرم كل ميه العربية هتبقى فى الأرض والعربية تسخن وتجيب جوان وش :shyy: