كنت هروح فى 60داهية لكن الله سلم
السلام عليكم ورحمة الله وبركاته
أنا عربيتى لانوس 2011 كنت ماشى على الكورنيش و جيت أدوس فرامل لقيت مفيش أى حاجة خالص خالص كأنى بدوس على الهواء و الحمد لله ربنا سترها معايا و لما جيت أمشى بالعربية تانى جربت الفرامل كتير جدا لقيتها شغالة و زى الفل 100 100 بصراحة أنا قلقان منها شوية و خايف تعمل حاجة تاني’ و يكون معايا الأسرة يا ترى اللى حصل ده من إيه؟ و جزاكم الله خيرا |
رد: كنت هروح فى 60داهية لكن الله سلم
حمد لله بالسلامه راجع على دورة الفرامل كلها سيرفو ومساتر وتيل وزيت |
رد: كنت هروح فى 60داهية لكن الله سلم
دورة الزيت فيها هواء راجع الدورة كاملة ويكشف على السيرفو برضو والف سلامة لك وللأسرة |
رد: كنت هروح فى 60داهية لكن الله سلم
عارفها ربنا ما يوريها لحد
وفورا تراجع على دورة الفرامل كلها و حمد الله على سلامتك :01FDAB~189: |
رد: كنت هروح فى 60داهية لكن الله سلم
افتكر دة ماستر الفرامل و لازم تشيك على زيت الفرامل ...
نفس الموقف دة حصل معايا قبل كدة من 6 شهور و بعد لما دوست و مالقيتش فرامل رفعت اليد و قعدت ادوس و اسيب كذا مرة على الفرامل لغاية لما اشتغلت و بعدين مشيت كويس و بعد كدة لمبة الزيت نورت و طلع فى الاخر ان الماستر بيهرب زيت و غيرتو ب 450 جنية اصلى و غيرت معاة طنابير و تيل بالمرة لانى مكنتش غيرتهم من ساعة مجبت العربية من 7 سنين.....بس بامانة الفرامل مبقيتش زى الاول ...الاول كان احسن...خد بالك لان معظم قطع غيار اللانوس الجديد مضروب |
الساعة الآن 07:14 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017