عمرة غير مكتملة ما الحل
 

الأول كل سنة وأنتم طيين.
روحت أفك المكنة عشان أعمل شنبر لاقيت الأتى :

1. محتاجة طقم شنبر .
2. صبابات وخرط وش السلندر للصبابات.
3. خرط الشميز وأحتماليه يا الخراط يظبط على البساتم الموجودة أو أشترى بساتم أكبر لسه مش عارفين .
4. طلمبة زيت .
5. طقم جوانات وسير كاتينى جنزير ..........
6. شوية حاجات العمرة زى طقم الكهرباء والجوانات وكدة .

أيه رأيكم أعمر على كدة ولا أشترى موتور أستيراد ولا أعمل أيه لأنى قريت كذا حاجة ولا أعلم ما الحل فيها والميكانيكى مستعجلنى وأنا خايف بصراحة لأن بعض الناس قلولى خرط الشمييز يعنى لعب فى أساسيات الموتور ومش مضمونة .
وناس تانية قالتلى أشترى نص موتور بس ومش فاهم معناها أيه وكدة فكرة .
وواحد جارى عندة موتور 1200 هل ممكن أخدة منة وأركب عليه باقة الحاجة أو أخد النص ألى تحت زى ما بيتقال ؟
معلش أنا تعبان وقرفت بجد وبقول ياريتنى ما كنت فكيت المكنة أيه الحل الله يرضى عليكم

رد: عمرة غير مكتملة ما الحل
 

اولا كان الله فى عون حضرتك
لأنى مريت بنفس التجربة دى ويمكن اسوء كمان وعارف شعور حضرتك اية
بس الحمد لله على كل شىء قدر الله وماشاء فعل
احنا مهما حصل فى نعمة نحمد الله عليها فى ناس بتتمنى يكون عندها ولو حتى موتوسيكل عشان يرحمها من المواصلات وقرفها
المهم بالنسبة لموضوع حضرتك
انصحك بشراء موتور استيراد هتلاقية اوفرلك فى الفلوس والوقت والتعب اللى هاتضيعة فى موضوع العمرة دة
غير كدة موضوع العمرة دة مش مضمون لأن الموتور هيبقى اتلعب فى اساسياتة فعلا زى ما الناس قالت لحضرتك عشان هتخرط وش سلندر وهتخرط شمايز وبكدة ا
انت لعبت فى حجم غرف الحريق وبالتالى الموتور عمرة ماهريجع زى الاول تانى
انا تجربتى كانت مع شنبر فقط وخرط وش سلندر
وفى خلال شهور الموتور جاب عمود كامة وطرمبة زيت ورزع كرنك مرتين وصرفت علية مايقرب من 3500 جنية ومانفعش برضة
دة غير البهدلة مع الميكانيكى
ف حضرتك خد معاك ميكانيكى ثقة وبيفهم وانزل الوكالة او عزبة شلبى او الحرفيين اسئل على مكنة استيراد لو لاقدر الله مالاقيتش ف هتلاقى فى بورسعيد بأذن الله

وشوف اية اللى سليم فى الموتور عندك وشيلة قطع غيار للموتور الجديد
وبالتوفيق ان شاء الله

وراجع الموضوع دة
http://masrmotors.com/vb/showthread.php?t=81824

رد: عمرة غير مكتملة ما الحل
 

ألف ألف ألف شكر على رسالتك الرقيقة الجميلة دى أخى أحب أوضح لحضرتك بأن الميكانيكى قالى أنها مش هاتتعدى 1300 جنية وأنا مش عارف بمصنعيتة ولا .
ولكن أنا هاستسمح حضرتك تتفضل عليا تقولى تجربتك وعملت أيه ؟
وأنا لو أشتريتة هاشترية بكام سعرة ؟ وهل هايكون فى مشكلة فى المرور ولا عادى؟ والفترة ألى هايشتغل فبه ا والتركيب ؟معلش خليك معايا شوية لأنى متبهدل خالص

رد: عمرة غير مكتملة ما الحل
 

تم الرد على الخاص