|
اسباب قطع الكهرباء والمياه فى مصر هذه الايام
يا ترى اسباب قطع التيار الكهربائى يوميآ عن سكان مصر وكذلك قطع المياه هذه الايام ... يا ريت تقول رائك فى هذا الموضوع
|
رد: اسباب قطع الكهرباء والمياه فى مصر هذه الايام
الواحد بقي مكتئب من اللي بيحصل
المشكله ان المسئولين في البلد اقل شيء يقال عنهم انهم عبيد مبارك والحزب الوطني ازاي يجيلي قلب اضيق ابن بلدي احنا اخر حاجه بقينا نفكر فيها هي الشغل واللغه السائده هي انعدام الضمير |
رد: اسباب قطع الكهرباء والمياه فى مصر هذه الايام
انا مهندس في محطة توليد كهرباء وممكن اشرح اسباب كده وهو مش سبب واحد
الاول ان معظم المحطات الجديدة في مصر هي محطة مركبة وهي رغم ارتفاع كفائتها انما المشكلة ان ارتفاع درجة حرارة الجو بتؤدي لانخفاض الطاقة المتولدة منها وطبعا ارتفاع الاستهلاك في الصيف مع التكييفات التاني هو مشكلة الوقود خصوصا الغاز لان انخفاض ضغط الغاز بيجبر المحطات على خفض احمالها والا حتخرج الوحدات من الخدمة السبب الثالث هي المشاريع اللي اتعملت في خلال 10 سنوات الاخيرة وكان الاستشاري الحصري ليها هي شركة بجسكو واللي مهنندسيها اللي تعيينهم بيتم عن طريق الوساطة واغلبهم هم ابناء قيادات وزارة الكهرباء لان مرتباتها عالية وفي نفس الوقت هي شركة وزارة الكهرباء شريك ليها واحنا في الشغل كتير بنقابل مشاكل في المحطات بسبب اخطاء العاملين على المشروع من مقاولين او استشاري او من شركتنا لان القيادات "بتغض الطرف" عن اخطاء بجسكو السبب الرابع هي عدم الاهتمام بالصيانة الدورية للمعدات وانما بيسيبوها شغالة مادام شغالة وطبعا ممكن الحاجة تكون كويسة في الشتاء ويرفضوا توقيفها للصيانة والكشف وتيجي في الصيف تظهر اثار كده وطبعا مش حتوقف حاجة لانك في حاجة لكل طاقة خارجة من المحطة في الصيف |
رد: اسباب قطع الكهرباء والمياه فى مصر هذه الايام
اقتباس:
مشكور جدا على التوضيح |
رد: اسباب قطع الكهرباء والمياه فى مصر هذه الايام
تسلم ايدك يا باشمهندس على التوضيح القيم
وانا بأكد كلامك ان الاهمال والفساد الادارى واحد من اهم الاسباب بالتأكيد وانا شخصياً بحكم عملى السابق كاستشارى نظم معلومات لبعض المشاريع مع وزارة الكهرباء (فى مبنى العباسية ومبنى مستشفى الكهرباء فى الماظة) بأكد نفس صورة الاهمال والفساد والاهمال الادارى اللى حضرتك بتوصفها واللى مستشريه بشكل فج فى الادارات العلية وصناع القرار فى الوزارة بس الاهم من الانتقادات ... هل حضرتك عندك تصور للحل ؟ هل نقدر نواجه كم الفساد ده ونطهر الوزارات والهيئات الحكومية ونرجعها لخدمة الشعب بجد ؟؟ ياريت كلنا نفكر فى حلول وبالاخص كل اللى شغالين فى اماكن فيها فساد هما اكتر ناس حاسينه وعارفين اسبابه وممكن يكون عندهم حلول للتغلب عليه شكراً ليك مرة تانية يا باشمهندس وفى انتظار المزيد من مشاركاتك القيمة :CONGRA~238: |
| الساعة الآن 01:06 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017