ارجوكم افيدوني في اسكودا رومستر
 

يا جماعة انا حابب اشتري اسكودا رومستر
بس في ناس حذرتني من اسعار قطعها الغالية والغير متوفرة
وخصوصا انني عايش في قنا
اية رايكم؟ptmnlo123per144

رد: ارجوكم افيدوني في اسكودا رومستر
 

من الاخر اسأل عندكم عن توافر ورش و مراكز بتشتغل في الفولكس

لان سيارات فولكس واحدة

و بعدين يا باشا انتا جايب عربية زيرو

يعني أولا ان شاء الله مش هيكون فيه احتياج غير لقطع الغيار العادية المستهلكه

و معاك ضمان

و لازم تأمين ،، لان العربيات دي خبطتها جامدة بفلوس كتير

و كل العربيات الحديثة قطع غيارها غالية مبقتشي تفرق كتير كوري من ياباني من الماني

انا معجب جدا بالرومستر و سعرها منافس و لقطه

بس هيا علي فكرة مش واسعه جدا يعني الكيا كارينز اوسع منها

بس صالونها خاماته و تقفيله ممتاز كعادة سكودا

ربنا يوفقك للي فيه الخير

و لا تنسي الاستخارة

رد: ارجوكم افيدوني في اسكودا رومستر
 

اشكرك على الرد وان شاء الله اسال بكرة عن الورش
طيب مين اوسع هيا ولا ماتركس؟
وسؤال اخر مين افضل هيا ولا تويتا افانزا 1300 س س؟

رد: ارجوكم افيدوني في اسكودا رومستر
 

اعتقد هيا اوسع من الماتريكس في الشنطة ، شنطتها اكبر من الماتريكس

بس الصالون تقريبا واحد

التويوتا افانزا دي انساها خالص

عربية لا تمت لتويوتا بصلة ،، عربية اندونيسي اساسا ( تصميم و تصنيع ) ،،

و فشلت في القاهرة ما بالك بالاقاليم

و اتفرج علي تقفيلها و شكلها الا لو انتا محتاج ضروري جدا حكاية السبعه راكب

الماتريكس طبعا اختيار كويس لو انتا بتبص للانتشار و اعادة البيع و سهولة الصيانة و رخص قطع الغيار

غبور ليه مراكز معتمده في الصعيد و اساسا هيا تكنولوجيا هيونداي قديمة مشتركة مع الفيرنا و الجيتز و الالنترا القديمة

بس كقيمة مقابل السعر ...... انا شابف ان الرومستر افضل

رد: ارجوكم افيدوني في اسكودا رومستر
 

اشكرك
انا ناوي باذن الله شراء العربية يوم 7/7/2009 هل تعتقد ان هناك نية لتخفيضات في الهونداي ام لا؟
وما هو افضل سيارة لي (بس تكون شكلها mpv او suv) لاني زهقت من السيدان مع العلم اني صيدلي تحركاتي جوة البلد قليلة وسفري مرة واحدة في العام ومعايا اسرة من طفلة واحدة
مزيدش العربية عن 90 الف؟؟
معلش استحملني شوية
متنساش انا حابب العربيات اللي شكلها كدة