افضل مركز صيانه
 

السلام عليكم
كل سنه وانتم طيبين
رمضان كريم
انا عايز اعرف مكان افضل مركز صيانه لانوس (توكيل)
لان عندي بعض المشاكل محدش عارف يحل حاجه منها
1 لمبه الاتشك بتنور مني ع السريع
2 العربيه أوقات بتآكل مني بنزين بطريقه غبية قوي
3 بحس بسخونه كأني في فرن عيش
4 المأشر بتاع البنزين ساعات ينزل اللي الاخر ويطلع تاني
ياريت حد يقول افضل مركز صيانه فين و الواحد يأخذ كام تقريبا معاه

رد: افضل مركز صيانه
 

موضوع السخونة جا عنجى برجة مش عارف اية سببة

رد: افضل مركز صيانه
 

1-2- لمبة التشيك لما تنور لازم تعمل scan فى مركز صيانة او اى ميكانيكى عنده الجهاز, و لمبة التشيك لما تنور على سرعة عالية دة غالباً بيكون حساس الشكمان و اللى بيأيد كدة النقطة التانية اللى حضرتك ذكرتها و هى اكل البنزين بصورة كبيرة و دى كمان من اعراض تلف حساس الشكمان

لكن خلى بالك لازم تعمل scan عشان تتأكد لأن الحساس دة تمنه غالى شوية غير مصنعية التركيب.

3- احساس السخونة جوة العربية عادى بالنسبة للانوس بسبب سوء العزل داخل الكابينة, و السخونة دى بتيجى من صدر العربية (الموتور و الكابوت) و من ماسورة الشكمان (سخونة فى منطقة الهاند بريك و الفتيس) , في ناس ساعات بتركب عزل حرارى تحت الارضية, و انا عن نفسى بشغل التكييف و خلاص.

و بالنسبة للتوكيلات انا ماتعاملتش معاهم قبل كدة, لكن اللى اعرفهم مركز ابو غالى فى ش. طومان باى فى الزيتون و مركز منصور فى اول ش. الطيران فى مدينة نصر.