مصر موتورز مجتمع السيارات - ياريت حديقارنلى

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - ياريت حديقارنلى (https://www.masrmotors.com/vb/showthread.php?t=91707)

ياريت حديقارنلى

انا معايا 95 الف ...عاوزى اجيب حاجة تكون زيرو

انا حاليا مركز ف النسيان والمتسوبيشى والكيا كارينز ..ياريت حد يعطيلى معلومات اكتر عن العربيات دى

وشكرا

رد: ياريت حديقارنلى

دخل معاهم الاوبترا جميلة جدااااااا والمتسوبيشي اللانسر مفيش منها بالمبلغ بتاعك دا

رد: ياريت حديقارنلى

بص يا باشا
الكارينز اقل فئة سعرها 116 الف
دي متنفعش تخش المقارنة ابدا
المقارنة هتبقا بين الصني واللانسر والاوبترا
بص يا باشا
صلي ع النبي كده
الصني الجديدة دي الناس حاليا بتشكر فيها لكن عيوبها غير معروفة لحد دلوقتي فا انتا لو ناوي عليها استنى شوية علشان تعرف كل عيوبها لحسن تدبس فيها
اما اللانسر فعلشان تجيبها لازم تزود المبلغ اكتر من كده لان اللانسر اللي سعرها في المية الف فاضية ومفيهاش اي حاجة يعني تعمل 120 الف وتجيب فئة عالية
اما الاوبترا فهيا ممتازة بكل المقاييس وقطع غيارها في كل مكان وعالية عن الارض ومعروف كل ميزاتها وعيوبها فهيا افضل واحدة في الفئة السعرية دي وكفاية انها كوري وسعرها مانيوال 95 الف واوتو 103 الف
وعلى فكرة التوكيل عامل خصم على الاوبترا وكل عربيات الشيفروليه بس معرفش كام بالضبط
انا انصحك بالاوبترا
وتقبل تحياتي

رد: ياريت حديقارنلى

الراجل ده بيقول كلام زي الفل

بس رأأأأأي بالسعر ده اكسسسسسسسسسسسنتrb طبعا افضل حاجة في السعر ده وفكر في الكيااااااااا ريو الجديدة فيها اوبشنز اكتر من الاكسنت الي بنفس السعر:THUMBS~220:

الاوبترا والانسر عربيات تقليدية ورااحت عليهم من زمان وشكلهم اتحرق

رد: ياريت حديقارنلى

الصني الجديدة عربية ممتازة وأفضل سيارة في فئتها فيها وسائل أمان (abs, abd, ba) و2 إيرباج، وسعها رهييييييب وخاصة المساحة الخلفية، فتيس محترم، باور كهرباء بيفصل على السرعات العالية، تسارع جيد، ثبات جيد، شنطة واااااسعة (490 لتر) مروحتين خلفيتين لتوصيل تبريد التكييف للركاب في الخلف، تقفيل جيد جدا، مرتفعة عن الأرض بشكل مناسب، لا يوجد بها سوى عيبين فقط (الكاوتش ماكسيس صيني، الخامات الداخلية للصالون متوسطة) وبالتلي فهي أفضل صفقة.. وعلى فكرة انا بتكلم عن تجربة لقيادتها في أوتو إيجبت وعلى طريق مفتوح (تيست درايف).. تحياتي