مصر موتورز مجتمع السيارات - سؤال مهم:ما الفرق بين لافيتا CRو لافيتا LR ولافيتا LS .

اقتباس:

المشاركة الأصلية كتبت بواسطة hanyelokda (المشاركة 708423)

:shyy: بعد اذنكوا يا جماعه انا رايح بور سعيد الاسبوع الفادم عشان اشترى سياره معاقين لافيتا ومش عارف الفرق بين لافيتا CRو لافيتا LR ولافيتا LS . ولو في تاجر كويس اشترى من عندو ياريت حد يدلنى .والاسعار دلوقتى اخبارها ايه. اسف للاطاله.:Wkiss5:

أولا بالتوفيق///

ثانيا خلينى انا اقول لك الفرق. أنت عندك ثلاث موديلات للافيتا

لافيتا LS وهذة سياره ستاندر يعنى مش فيها بعض الكمليات زى مثلا بكرات لضبط أرتفاع وأنخفاض الكرسى وكذلك مش فيها لمبة قرأة وجراب نظارة فى المنتصف. كذلك مش فيها فرامل ABS إذا هى سيارة ينقصها بعض الإمكانيات

لافيتا TR وهذه السيارة لا تعمل بالبنزين ولكن لها محرك جاز زى بعض عربيات السرفيس. واصلا محدش بيجبها مصر لان محدش هيشترى جاز ويسيب البنزن

لافيتا CR وهى اللافيتا التى يجب ان تشتريها وفيها كل الكمليات الناقصة من اللافيتا LS وهتجد معظم العربيات هناك من هذه الفئة وهى أغلى من الأفيتا LS بمبلغ حوالى 3 أو 4 الالف.

بالإضافة لهذا هناك تجار يستوردون سيارة ماتركس من أوروبا وهى بتكون أغلى من الافيتا على الرغم إنها نفس الشكل لان العربيات الواردة من أوروبا بتكون نظيفة اكثرمن اللافيتا وكذلك المحرك بتعها 1600 سى سى مش 1500 سى سى زى اللافيتا... فلو وجدت سيارة مكتوب عليها ماتركس مش لافيتا فحاول شراءها اولا. وستجد هذه السيارة عند تاجر واحد يمكن هو الذى يستورد بعض السيارات من أوروبا. فأسأل بدل المرة عشرة ولف على كل التجار قبل الإختيار.. وفاصل على قدر ما تستطيع بالألفين والثلاثة لان مكاسبهم رهيبة. وتأكد من حالة السيارة بميكانيكى ثقة تأخذة معك يفحص لك السيارة جيدا.....

أما حكاية تاجر ثقة فهذا لا يوجد فى تجارة العربيات للمعاقين. للاسف الشديد كلهم طماعين. والبضاعة بتتغير يعنى ممكن واحد تاجر أقول لك عليه كويس تلاقى عندة بضاعة وحشة وملعوب فيها وواحد يكون وحش ويكون عنددة بضاعة كويسة فى هذا الشهر. الذى يحكمك هو السيارة وحالتها وليس التاجر. ولو على اخر الاسعار هتبدأ الاسعار للمانيول من 35 الف وحتى 38 الف على حسب الحالة والأتوماتك من 37 الف وحتى 40 لافضل الحالات..

بالتوفيق إنشاء الله ياريت لما ترجع من مشوار بورسعيد تكتب هنا فى المنتدى تجربتك وأخر اسعار العربيات المختلفة هنالك فى بورسعيد الان ليستفسد منها الأعضاء وكذلك بعض الصور بالموبيل إذا امكن وما أعلى السيارات التى رأيتها هناك....