شوية مشاكل فى ميجان 2006
انا عندى شوية مشاكل فى الميجان 2006 و محتاج مساعده
انا من فتره كانت بتدى Check-Injection و بعدها علطول Check-Gearbox والعربيه اكنك ماشى على الأول وهى اوتوماتك. المهم رحت مركز صيانه معتمد و قالى انوا فيه كويل بايظ وغيره و كلوا بقا تمام. من كام يوم كنت ماشى وطلعلى Check-injection والعربيه بطلت. دورتها والرساله إختفت بس صوت الموتور كان عالى ولما خلصت شغل الدنيا تمام وصوت الموتور عادى.المهم المشاكل إلى عندى : -العربيه مرتين اكون ماشى بيها وتبطل لوحدها استنى شويه تدور عادى. -لو دوست بنزين جامد العربيه مش بتسحب سرعه. -الموتور صوتوا عالى وبيتهز جامد لدرجه انوا غطاء الكبوت بيرعش والمرايات والدريكسيون كمان. -لو شغلت التكيف الموتور صوتوا يعلى اكتر. -لو سايق لمدت ساعه بحس بسخونيه وصهد داخل من عند الدواسه. -لو بحود جامد يمين او شمال ساعات بسمع صوت زى الصوصوه.انا الكوتش متاكل ومحتاج تغير, يا ترى لييه علاقه ؟ ياترى المشاكل دى سهله ولا ابيعها احسن ؟ |
رد: شوية مشاكل فى ميجان 2006
اقتباس:
1:حساس ماب 2:حساس اكسجين 3:حساس عادم |
رد: شوية مشاكل فى ميجان 2006
طالما فى كود خطأ طلع فلازم حتى لو بطلت و دورت و مظهرش تانى بس فعليا هو لسة متسجل فلازم سكان عشان نعرف سبب رسالة check - injection يعنى احتمال تغيير الكويل ضيع العطل بتاع check - gearbox بس ( مع انى مش عارف مقصود بيه ايه ؟ تقصد كويل بتاع بوجيه ؟ و لا كويل حاجة راكبة على الفتيس ؟ )
موضوع الصفارة بسبب الكاوتش طبعا صلح العربية و لو عجبتك سيبها لان كده كده مش حتتباع بالمنظر ده |
رد: شوية مشاكل فى ميجان 2006
هوا كويل بتاع بوجيه
طب يا amr elsisi 1 معندكش فكره تتصلح بكام ؟ |
الساعة الآن 05:42 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017