ما هي اطري انواع الكاوتش
 

انا بسمع انا كل ما الكوتش يكون طري بيكون افضل عشان ياخد ويدي معاك خصوصا لو مغير لجنط اكبر وسالت ناس كتير بتوع كاوتش وكل واحد يقلي الي علي مزاجه تقريبا بيقولو حسب النوع الي عندهم يعني في ناس قلتلي كونتننتال اطري حاجه وفي ناس قلتلي سيلفر ستون وناس قالت نيكسس وحجات تانيه كتير زي تايو وطبعا ميشلان بس الميشلان الي موجود مش فرنساوي تايلاندي تقريبا وكمان غالي فيرات حد يقلي ايه اطري نوع كاوتش 14 ويكون سعرو حنين بس المهم يكون طررررررررررررررررري جدااااااااااااا . وشكرا مقدما

رد: ما هي اطري انواع الكاوتش
 

رد: ما هي اطري انواع الكاوتش
 

رد: ما هي اطري انواع الكاوتش
 

gt اطرى نوع كوتش و سعرة معقول

رد: ما هي اطري انواع الكاوتش
 

الموضوع ملوش علاقة بماركة أو بلد صناعة

الكاوتش الطري له علاقة مباشرة بما يسمى "مؤشر تآكل المداس" أو "TREADWEAR"

المؤشر ده هو الأساس في تحديد إذا كان الكاوتش طري ولا لأ ، لإن الكاوتش الطري بيتاكل أسرع من الكاوتش الناشف.

طيب أعرف منين إن الكاوتش ده طري ولا ناشف؟؟؟

المؤشر ده مكتوب على فردة الكاوتش زي الصورة دي

http://1.1.1.2/bmi/megatyre.co.nz/co.../treadwear.jpg

طيب، وإيه معنى الرقم اللي مكتوب ؟؟؟

الكاوتش اللي مكتوب عليه 150 بيعيش مرة ونصف قد عمر الكاوتش اللي مكتوب عليه 100
الكاوتش اللي مكتوب عليه 200 بيعيش مرتين قد عمر الكاوتش اللي مكتوب عليه 100... وهكذا

معظم الكاوتش اللي في السوق حتلاقيه ما بين 240 و540


في كمان حاجة تانية

كل ما كان الكاوتش جديد .. يبقى أطرى

طيب نعرف منين إذا كان جديد ولا قديم؟؟؟

مكتوب على كل فردة كاوتش (في جهة واحدة من الجهتين) تاريخ إنتاجها عن طريق كود زي اللي في الصورة دي:

http://1.1.1.4/bmi/www.consumerwarni...e-mfr-date.jpg

الرقمين اللي على اليمين هما رقم السنة، والرقمين اللي على الشمال هما رقم الأسبوع في السنة

يعني مثلا: 1512 معناه الأسبوع الـ15 في سنة 2012

المشكلة في المستوردين اللي ما تفرقش معاهم ولا يفهموا الكلام ده



...