دواسة البنزين علقت
انهاردة وأنا سايق مرة واحدة لقيت دواسة البنزين علقت فطبعا دوست على الدبرياج فلقيت الموتور صوته على قوي و RPM وصلت لأخر العداد ثانيتين والدواسة رجعت تاني
المهم أنا بيتهيألي ان اللي حصل ده ان الدواسات اللي أنا حاططها كانت طالعة قدام قوي وهيا اللي منعت الدواسة انها ترجع وخليتها تعلق سؤالي هل الموتور حصاه حاجة أو غلط عليه اللي حصل ده لما RPM وصلت لأخر العداد (فوق 70) رغم ان الكلام ده كان ثواني وأنا كنت دايس دبرياج ولا عادي يعني محصلش حاجة معلش ياجماعة ياريت حد يرد عليا علشان أنا حاسس ان الموتور باظ عربيتي رينو سانديرو عاملة 7000 كيلو وشكرا |
رد: دواسة البنزين علقت
طالما الحاله دلوقتى تمام
فلاتوجد مشكله وخللى بالك مستقبلا من تحرك الدواسه للأمام فى إتجاه البدالات |
رد: دواسة البنزين علقت
متقلقش محصلش حاجه عادي
وابقي بص عالفرش المطاط اللي في الارض عشان لما بيتزحلق لقدام الدواسه بتتزنق |
رد: دواسة البنزين علقت
على فكره انا والله مكنتش اعرف ان عربيتك رينو بس اول ما شوفت ان دواسة البنزين عليقت قولت يبقى عربيتك رينو انا شوفت فيديوا لواحد بيدوس على الدواسه والدواسه مش بترجع غير بعد شوية طبعا ده حاجه كارثية بالنسبه لواحد لسه جديد فى السواقه لانه ممكن يفقد السيطره ساعتها على العربيه ويحصل ما لا يحمد عقباه فانا من راى لازم تتوجه للتوكيل وتقولهم على المشكله وعلى فكره الفديوا اللى بقولك عليه اهه http://www.youtube.com/watch?v=0-JjvAr5Y18 |
رد: دواسة البنزين علقت
هى مشكله كبيره موضوع الدواسه بس مفيش عربيه مبتخلاش من عيوب وفى عربيات بيبقى فيها عيوب زى دى, الحل انك تروح التوكيل وهو حيظبطلك السلك المسئول عن الموضوع ده.
|
الساعة الآن 05:11 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017