مشكلتى مع الخدوش ياريت حد يفيدنى فى الموضوع دة
 

انا عندى فى العربية خدوش بكل انواعها خدوش بسيطة وخدوش عميقة وفية حتت بتكون فى شكل بقعة بيضة والعربية لونها فيرانى
المهم انا بسمع ان و رشيت العربية بيقلل من سعرها بعد كدة وهى بلونها الاصلى
فكرت الاول فى الكومبوند والبوليش بس ماجاش بفايدة
دخلت شوفت تجارب الاعضاء مع قلم الخربشة بيقولو اى كلام
ففكرت انى اجيب قلم من عند اى واحد بتاع بويات فقعد نص ساعة يركبلى فى قلم وياريت جت بفايدة
مع العلم ان البوية دى بتطلع عادى بالكومبوند او بكحول
استخدمت القلم المهم الخدوش شكلها بقى الى حد ما احلى من الاول بس لونها ابهت من البوية الاصلية
فسؤالى هنا مافيش اى حل عشان اوصلها لنفس لون العربية
ولا هو اساسا صعب ان اى حد يقدر يوصل للون العربية الاصلى ولا اية ؟؟
ولو حد جرب قلم الفلوماستر فى تلوين الخرابيش ياريت يقولى هو كويس ولا لأ وهل فية اقلام لونها فيرانى ؟؟؟

وشكراااااااااا :Bravo:

رد: مشكلتى مع الخدوش ياريت حد يفيدنى فى الموضوع دة
 

الرش لو كان لجوانب العربية مش بييقلل من سعر العربية اوى "حاجة بسيطة" اما لو للكابوت او للشنطة من فوق او للسقف فبيقلل اكتر اما لو للدواخل فبيبوظ السعر خااااااااالص. مش مشكلة لو رشيت الجوانب لان 95% من عربيات مصر رشة جوانب الا العربيات الى بتبقى مركونة بال6 اشهر فى السنة ..

رد: مشكلتى مع الخدوش ياريت حد يفيدنى فى الموضوع دة
 

طب مافيش اى حل تانى غير الرش ؟؟؟
لو فكرت ارش جوانب هرشها عند اى صنايعى ؟؟؟
وتكلفتها قد اية ؟؟؟ :0832F7~168: