|
مشكله فى ال epc وتم حلها فى a5
السلام عليكم ورحمه الله وبركاته حدث معى مشكله ان لمبه epc نورت فى التابلوه ولم تنطفىء كنت راجع من رأس البر على الطريق الدولى الجديد طريق جمصه وزارعين مطبات قمه فى الغباء تحس ان اللى عامل المطبات دى شخص يكره نفسه ويكره كل واحد راكب عربيه المهم اتفاجئت بمطب وانا على سرعه عاليه مسكت فرامل جامد وبعد ما عديت المطب بسلام لقيت لمبه epc شغاله ومش عايزه تنطفىء وصلت المحله وانا فى قمه القلق مش عارف ايه ده وبعدين فكيت كابلات البطاريه علشان اعمل ريستارت ونفس المشكله موجوده رحت على مركز حسام ابو جمره عندنا فى المحله كشف على العربيه بالكمبيوتر وقال لى ان حساس الepc لازم يتغير وفعلا لقيت الحساس بيعلق قلتله اعمل اللازم وجاب لى حساس جديد واللمبه طفت ثمن الحساس 80 جنيه و20 تركيب الاجمالى 100 حبيت انقل التجربه للتوضيح وللافاده تقديرى للجميع |
رد: مشكله فى ال epc وتم حلها فى a5
السلام عليكم الله يخلف عليك بالحلال ويهدى الى بيعملو المطبات ويعاملونا ذي البلاد والناس المتحضره:01FDAB~189: والله المستعان |
رد: مشكله فى ال epc وتم حلها فى a5
:CONGRA~238: قدر الله ماشاء فعل
|
رد: مشكله فى ال epc وتم حلها فى a5
الحمدلله على سلامتك من مطبات الموت الموجودة فى كل الطرق المصرية الممتازة جداً
|
رد: مشكله فى ال epc وتم حلها فى a5
اقتباس:
نتمنى من الله فعلا ان يتعاملوا معنا بشىء من الادميه والتحضر ولاكن هيهات المسئولين عن الطرق تشعر انهم ليسوا من كوكب الارض تشعر انهم متخصصين فى تخريب ممتلكات البشر وضياع ارواحهم والله من ساعتين فقط وانا راجع من نفس الطريق بسبب مطب صناعى سياره تمبرا ضاعت ولبست فى ضهر شيفروليه نصف نقل كانت بتعدى المطب والتمبرا ما لحقش يقف ورشق فى ضهر النصف نقل وصاحب النصف نقل مصمم على تحرير محضر لان العربيه حكومه وكل ده بسبب المطبات القاتله |
| الساعة الآن 09:19 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017