|
ممكن المساعدة ضروري من اهل الخبرة
انا عاوز اركب تكييف في عربيتي هي فيات 131 ال 1600 موديل 82 حالة المتور جيدة ممكن اعرف يتكلف كام و منين
|
رد: ممكن المساعدة ضروري من اهل الخبرة
عملت الموضوع دة فى عربية 131 والموضوع مش مرضى تماما وفلوس واترمت على الارض
العربية كانت لو شوفتها حالتها زى الفل اكنها جاية من ايطاليا والموتور 100 % ولكن تجربة التكييف فشلت والتجربة اتكلفت 3000 جنية |
رد: ممكن المساعدة ضروري من اهل الخبرة
اقتباس:
هو صرف 3000 جنيه على تكييف العربية ال131 ومانفعش وانا سألت برضو فى الموضوع لازم تكون حالة موتور العربية زيرو وضفيرة الكهربا تكون نمرة واحد والردياتير ده يكون مقاسه من الرفرف اليمين للرفرف الشمال وتجيب سربنتينة للتكييف بمروحتين والاتنين على كتاوت والكباس بكتاوت والبطارية 70 أمبير على الأقل وعزل العربية يبقى زى عزل التلاجات الكابينة معزوله تمامااا عن برة يعنى ونتا قاعد فى العربية ماتسمعش حد بيزعق برة العربية وتركب عازل حرارى على الإزاز لوحده هيتكلف 1500 على الأقل ( انا سألت على الكلام ده كله ) ده حتى المواتير الجديدة فى الفيات مش بتستحمل التكييف مابالك موتور موديل 81 حتى لو متعمر مش هياكل معاك يبقى علشان منطولش ، لو هتعمل الحجات بتاعت العزل والكهربا وال..... الخ هتحتاج على كل ده موتور عفى يشغل ده كله من غير ما يخسع + بنزين 92 المواتير موجودة ، بس مين بقى اللى عنده وقت وفلوس وصحة انه يعمل الكلام ده AHLNWSHALN تقبل مرورى |
رد: ممكن المساعدة ضروري من اهل الخبرة
انتو احبطوني والله يا جماعه ده انا كنت معشم نفسي اركبو في عربيتي
يعني اصرف نظر ولا ايه ده التكييف بقي من اساسيات العربيه زعلت اوي بس فعلا و فلوس هتترمي علي الارض بلاش منها |
رد: ممكن المساعدة ضروري من اهل الخبرة
معلش سامحنى لو كان كلامى سببلك احباط
لكن انا حكيت تجربة شخصية لية مش منقولة عن حد ولو عاوز تجرب يمكن حظك يطلع احسن منى اتكل على الله وربنا يباركلك |
| الساعة الآن 05:39 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017