مصر موتورز مجتمع السيارات - كيا برايد سيدان ولا اكسيل ولا سوزوكى سويف

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - كيا برايد سيدان ولا اكسيل ولا سوزوكى سويف (https://www.masrmotors.com/vb/showthread.php?t=87136)

كيا برايد سيدان ولا اكسيل ولا سوزوكى سويف

السلام عليكم
محتاج لمساعدة الأعضاء فى الاختيار
انا عاوز عربية تكون عاليه عن الارض وتكون قطع غيارها رخيصة ومتوفرة
ويكون بيفهم فيها اغلب الميكانيكية
وتكون فى رنج 30 الف
ممكن حد يساعدنى ولو فى موديلات تانية حد يفدنى

رد: كيا برايد سيدان ولا اكسيل ولا سوزوكى سويف

من اختياراتك الاكسل افضلهم من وجهه نظرى

اقتباس:

ولو فى موديلات تانية حد يفدنى

جيلى ck لسة جايبة من جمعتين لزميلى بـ 32 الف موديل 2006 عداد 34 الف تكييف &باور&سنتير&مرايات كهرباء&طارة متحركة&موتور 1600 بتاع التويوتا &شركة برة وجوة

رد: كيا برايد سيدان ولا اكسيل ولا سوزوكى سويف

شكرا للمشاركة
لكن هل الصينى مضمون وقطع الغيار اخبارها ايه متوفرة واسعارها ايه لو ممكن تفدنى :Bravo:

رد: كيا برايد سيدان ولا اكسيل ولا سوزوكى سويف

اقتباس:

المشاركة الأصلية كتبت بواسطة msy_sonocairo (المشاركة 676133)

شكرا للمشاركة
لكن هل الصينى مضمون وقطع الغيار اخبارها ايه متوفرة واسعارها ايه لو ممكن تفدنى :Bravo:

اية فى مصر مضمون ؟؟؟؟؟؟؟؟؟؟؟؟؟
قطع الغيار موجودة فى التوفيقية كتير حوالى 8 بيبيعو حاجتها اشهرهم واحد اسمة عوف بالاضافة ان الموتور زى ما قلنا تويوتا 1600 حجتة موجودة عند بتوع اليابانى وبتوع الجيلى
العفشة حاجتها يابانى تويوتا يارس
انا غيرت تيل فرامل وماستر فرامل ومليت التيل الخلفى
مختصر الكلام حاجتها موجودة

ولو تقصد المتانة ......... كنت عامل موضوع اسمة تصادم بين جيلى وبيتلز حاول تدخل تقراة كاتب كلام كويس اوى وبما يرضى الله ومدعم بصور اقراة ونتعالى نتناقش

كيا برايد سيدان !!!

اقتباس:

المشاركة الأصلية كتبت بواسطة msy_sonocairo (المشاركة 676128)

كيا برايد سيدان
افضلهم وممتازة فقط على ان تكون بحالة جيدة وتكون سليمة!
:Bravo: