مصر موتورز مجتمع السيارات - هل ينفع اركب تكيف لسيارة 128 سؤال خصوصا لمركز (المتحدة)

مصر موتورز مجتمع السيارات (https://www.masrmotors.com/vb/index.php)

- تكييف السيارة (https://www.masrmotors.com/vb/forumdisplay.php?f=150)

هل ينفع اركب تكيف لسيارة 128 سؤال خصوصا لمركز (المتحدة)

السلام عليكم ورحمة الله وبركاته

انا معايا 128 1100 سى سى

لسه معمر الموتور من 1000 كيلوا ولسه مخلص تلين

وبصراحه تعبت جدااا من الحر فى العربيه ديه

فهل يمكن انى اركب فيها تكيف ولا لا

وهل هيكون عملى بمعنى انى اوقات كتير ببقى فى زحمة جامده فهل هيتحمل الزحمة ديه ولا هيسخن العربيه

وهل له تاثير على العربيه عموما مثال

1:تقليل العمر الافتراضى للموتور
2:هنقطع فى سدر العربيه او نعمل اى تعديلات مش هتتشال بعد كدا
بحيث انى لو عاوز ابيع العربيه اللى هيشترى مش هيقولى ايه ده انت عامل كدا ليه فى العربيه وبالتالى هينقص جامد فى سعرها

وبصراحه مفيش سبب انى اغير العربيه لاكثر من سبب
1:خلاص اتعودت عليها وعلى ابعادها
2:مصاريفها مريحانى
3:هى مريحانى جدااا بس الحر بس ده اللى مدايقنى

فهل لو هينفع انى اركب عليها تكيف
كم هتكون التكلفة انى اديكم العربيه واستلمها على المفتاح ومدة التركيب

والف شكر لكم جميعا

رد: هل ينفع اركب تكيف لسيارة 128 سؤال خصوصا لمركز (المتحدة)

هو انا اعتقد ان موتور ال 1100 cc هيكون ضعيف شويه على موضوع التكييف دا .. انا أظن انك لو سقطتلها موتور 1300 cc ممكن يركبلها تكييف يابانى مثلا ..

رد: هل ينفع اركب تكيف لسيارة 128 سؤال خصوصا لمركز (المتحدة)

انا عندى لادا وممكن نقول انها وال128 جيل متقارب
وعربيتى موديل 2007 وفيها مكان لتركيب تكييف
لكن مش هركبه - لانى مقتنع انها مش مناسبة لتركيب التكييف
لسبب بسيط - عزل العربيات دى - مش محكم
بص على الابواب وقارن بينها وبين ابواب العربيات الحديثه وركز على الحواف
بين الباب وجسم العربيه ومهما هيكون فى كاوتش لسد الفراغات هيكون برضه فى تسريب
+ تقفيل العربيه من عند الصدر
ده وجهة نظرى لانى فكرت فى التكييف ( عربيتى 1600 سي سي )
عموما ممكن يكون كلامى غلط ( متقولش انى بعقدك )

رد: هل ينفع اركب تكيف لسيارة 128 سؤال خصوصا لمركز (المتحدة)

هههههههههه انا مش متعقد ولا حاجه بالعكس انا عندى امل كبير مش لازم فى التكيف بس فى كل شىء وبحمد ربنا على النعمه ديه

وطبعا بالنسبه للعزل ممكن نعالجه بكل سهولة الحكاية بس هتترجم لفلوس ليس اكثر

وطبعا مينفعش اجيب موتور 1300 خالص

رد: هل ينفع اركب تكيف لسيارة 128 سؤال خصوصا لمركز (المتحدة)

خلاص نقول مبروك مقدما على تكييف العربيه
بس ابقي احكى لنا على التفاصيل