مصر موتورز مجتمع السيارات - هوندا اكورد بتحدف يمين

مصر موتورز مجتمع السيارات (https://www.masrmotors.com/vb/index.php)

- إطارات السيارة (https://www.masrmotors.com/vb/forumdisplay.php?f=151)

- - هوندا اكورد بتحدف يمين (https://www.masrmotors.com/vb/showthread.php?t=86160)

هوندا اكورد بتحدف يمين

السلام عليكم يا اخواني

معايا عربية هوندا أكورد 2008 ، وانا بغير فردة الكاوتش الشمال الامامية البيه الصنايعي قطم مسمارين من الخمسة واضطريت افك الجزء الشمال كله عند بيه عفشجي تاني علشان نغير المسمارين وقلتله علم كويس مكان ربط الصواميل بتباشيرة ولا بقلم ماركر علشان ترجعها زي ما كانت - انا لسه ظابط زوايا ، المهم عملي فيها سبع رجالة وقاللي متخفش وبرقبتي.

بعد ما عملنا المطلوب روحت لبتاع الكاوتش علشان يغيرلي فردة الكاوتش بفردة تانية لآن الاولانية اتكشط منها حتة قد نصف كف اليد وباظت.

بعد التركيب والترصيص طلعت اجرب لقيت العربية بتحدف يمين - الطارة ثابتة في النص لكن العربية بتسرح يمين - قولت امري لله اظبط زوايا كمان مرة - طلعت العربية على الميزان وبعد ما شيك على العربية بماسورة من تحت علشان يقيس المسافة بين الفردتين قاللي العربية تمام والعيب ان الفردتين اللي قدام مش نفس الرسمة - روح لحد بتاع كوتش - قولتله انا رصصت وظبطت زوايا على فردتين مختلفين قبل كده والعربية كانت تمام - ما اقتنعش.

تنصحوني بإيه يا جماعة مع جزيل الشكر.

رد: هوندا اكورد بتحدف يمين

فعلا لازم تكون كل عجلتين جنب بعض شبه بعض ونفس الحالة والمقاس

رد: هوندا اكورد بتحدف يمين

السلام عليكم

الله يخلف عليك بالحلال هات الفردتين الخلفيتان في الأمام والأمام في الخلف ومعلش رصص تاني بس الأول اظبط ضغط الهواء كويس
والله المستعان

رد: هوندا اكورد بتحدف يمين

اقتباس:

المشاركة الأصلية كتبت بواسطة mhamdy75 (المشاركة 667780)

فعلا لازم تكون كل عجلتين جنب بعض شبه بعض ونفس الحالة والمقاس

اشكرك على الرد - بس الاول الفردتين مكنوش زي بعض والعربية كانت مكنتش بتحدف

رد: هوندا اكورد بتحدف يمين

الله يعينك والله الصنايعية معدومي الضمير ممكن يدفعوك أكتر ما إنتا المفروض تدفعه لمجرد إنهم معدومي الضمير.
حسبي الله ونعم الوكيل وربنا يعوض عليك.